Page 11 - Иван Мигалкин Күн таммаҕын ыһыспыт дьылҕалар

Үөһэ ааттаабыт сахам суруйааччыларыттан Эллэйдиин
билсиһиим төһө да кылгас кэм буоллар, тус бэйэм кэтээн
көрүүбүнэн, Эллэй элбэх доҕотторуттан мин биир дойду-
лаахтарбын: Сергей Васильевы, Виктор Алданскайы,
фольклорист-ученай И.В.Пуховы уонна биллэр суруйаач-
чылартан Николай Габышевы ордук чугастык саныыра.
1973 сыллаахха Литературнай институкка биллиилээх саха
суруйааччыта Н.А.Габышев — 51, оттон мин — 19 сааспар
үөрэнэ тиийбиппит. Николай Алексеевич Сергей Васильев-
тыын, Эллэйдиин тиһигин быспакка суруйсара, кинилэр
хоһоонноруттан нойосуус билэрэ. Н.А.Габышев мин хоһоон-
норбун өрүү көрөрө, ырытара, онно үксүгэр кинилэр
хоһоонноруттан холобурдуура. Николай Алексеевич ула-
хан суруксут, энциклопедическай билиилээх-көрүүлээх,
үрдүк культуралаах киһи этэ. Кини Эллэйгэ мин туспунан
туох эрэ үчүгэйи суруйбут буолуохтаах, ол да иһин буо-
луо, Эллэйдиин биир тылы айах атан кэпсэтэ, кини тыын-
наах бэйэтин хаһан да харахтаан көрө иликпинэ, Эллэй
миэхэ маннык ис хоһоонноох эҕэрдэ открытканы ахсынньы
23 күнүгэр 1973 сыллаахха ыыппыта: “Ваня! Эйигин Сар-
гылаах Саҥа 1974 сылынан итиитик эҕэрдэлиибин! Үөрэх-
хэр, айар үлэҕэр туйгун ситиһиилэри баҕарабын! Эн хо-
һоонноруҥ миэхэ суохтар. Черновиктаргыттан үрүҥэр та-
һааран “Хотугу сулуска” ыыт. Эҕэрдэни кытта Эллэй.
23.ХИ.1973".
Эллэй бу эҕэрдэтин кэнниттэн сотору Москваҕа, онтон
Якутскайга көрсүспүппүт. Эллэй курдук саха тылын чу-
луу маастара эдэр хоһоонньуттары кытта бэйэтинэн бил-
сиһиитэ — оччотооҕу саха кырдьаҕас суруйааччылара эдэр-
дэргэ үтүө сыһыаннарын, кинилэр эттэригэр-хааннары-
гар иҥэриммит үрдүк культураларын, дууһалара баайын,
ырааһын көрдөрөр.
1974 сыл сааһыгар Эллэйтэн хоһоонунан эҕэрдэ кэлби-
тэ: “Күндү нойоон Ваня! Эйигин 1 Маайынан уонна Кы-
айыы күнүнэн истиҥник эҕэрдэлиибин!
Аан дойду поэзиятын
Алмаас кылаатын бас билиий,
Саха ырыатын хайатын,
Парнас чыпчаалын дабайыый,
Хотугу кыраайбыт халлаанын
Уоттаах сулустуу сандаардыый!
Эн убайыҥ Эллэй”.

7