Page 12 - Иван Мигалкин Күн таммаҕын ыһыспыт дьылҕалар

5. Нарына, истинэ өйбөр хаалбыт
Бэйэм санаабар, баай ис хоһоонноох библиотекам элбэх
ахсааннаах кинигэлэрин ортотугар саха уһулуччулаах
тылбаасчыта Семен Руфов Саха сиринээҕи кинигэ изда-
тельствотыгар 1966 сыллаахха тылбаастаан таһааттарбыт
Шекспир сонеттарын кинигэтэ баар. Онно Семен Титович
бэрт кыраһыабай буочарынан суруйбут:
“Гостеприимство проявляя
Угощаешь ты Элляя. Семен Руфов. 14.ХН.75 г.” Аны ити
нууччалыы сурук нөҥүө страницатыгар Семен Титович
экспромт хоһооно баар:
Уйбаан Мигалкин
Олус үөрэн хаалкын,
Куппун-сүрбүн тута
Онтуҥ миигин долгутта.
Шекспирдиин хатыс —
Сонеттарда айан ис!
Эллэйдээх Семен Руфов мин олорор хоспор ыалдьыт-
таабыттарын туһунан Эллэй төрөөбүтэ 80 сылын бэлиэ-
тээһиҥҥэ анаммыт “Эдэр коммунист” хаһыакка суруйан
турардаахпын. Кылгатан ити ыстатыйаттан билиһиннэр-
дэххэ, маннык: “Хоһум хомуллан, сууйуллан ырааһыр-
быта сүр, кураанах иһиттэр остуолга ыалдьыттары кэтэ-
һэн чөкөллөн турдулар. Хаалбыт үлэм — чаһыы хаамыы-
тын күүтүү, ааҕыы. Үлэ, үөрэх чааһа бүтүүтэ хоспун тоҥ-
суйан табыгыраттылар. Дьонум киирэн кэллилэр. Күннэтэ
ахтар дойдубуттан хайдах эрэ ураты иэйиилээх салгыны,
сибиэһэй сиккиэри аҕалан дууһабын үөрүүнэн-көтүүнэн
толордулар. Уопсай үөрүү үлүскэнигэр куустаран, сэргэх-
сийэн, Серафим Романович хайабытыттан да ордук сүргэ-
тэ көтөҕүллэн, санаата манньыйан, кэпсэтии тосхолун бэйэ-
тигэр ылла.
Кини — сэһэргээччи, оттон биһиги — истээччилэр уонна
сэҥээрээччилэр дөрүн буола-буола, “оннук”, “кырдьык да”,
“сөп”, “дьикти эбит” дэһэр дьон буолан биэрдибит. Семен
Титович быһа түһэн кэпсиэҕин, Эллэйи ытыктыыра бэрт
быһыылаах, оттон мин туһум — тугу да билбэтим-көрбөтүм
оҕоккото сыттаҕа! Ити хас да чаастаах кэпсэтииттэн би-
лигин чуо бу темаҕа сэһэргэспиппит диир кыах суох эрээ-
ри, Серафим Романович туһунан кини нарына, истиҥэ
өйбөр хатанан хаалта... Итиэннэ Серафим Романович киэҥ
билиилээҕин, ис-иһиттэн үрдүк культуралааҕын, оҕолуу
үөрүнньэҥин” мин бэлиэтээбитим.

8