Page 10 - Иван Мигалкин Күн таммаҕын ыһыспыт дьылҕалар

— диэн Эллэй “Ол түүнүн” ис дууһатыттан ыллаатаҕына,
харахпар оччотооҕу саха дьонун аас-туор олохторо бу
баардыы илэ көстөн кэлэр. Бэйэбин онно баар курдук са-
нанабын. Уйадыйан, ытаан ылабын... Хоһоонунан киһини
ытатыы — бу буолар поэт сүдү күүһэ, чаҕылхай талаана.
Эллэй олоҕор оҥорбут бары сыыһатын-халтытын би-
линтги сайдыылаах кэмҥэ ыйааһын хараҕар ууран элбээ-
тиннэрэр да түгэннэригэр, Эллэй син биир бэйэтин кэмин
уһулуччулаах поэта, саха норуотун классига.

4. “Эҕэрдэни кытта Эллэй”

Билигин санаан сонньуйабын, саха бары биллэр су-
руйааччыларын кытта Москваҕа сылдьан билсибиппин.
Таптыыр, ахтар дойдугуттан ыраах сир биир дойдулаах-
тары хаһан баҕарар ыкса билиһиннэрэр, чугастыы оҥорор.
Бэйэм көлүөнэм саха суруйааччыларыгар (1950—55 сыл-
лаах төрүөхтэргэ) мин курдук оннук ураты чиэскэ тикси-
бит, бука, суоҕа буолуо...
Николай Габышев, Семен, Софрон Даниловтар, Лео-
нид Попов, Валентина Гаврильева, Эллэй, Күннүк Уурас-
тыырап, Амма Аччыгыйа, Таллан Бүрэ, Петр Тобуруо-
кап, Моисей Ефимов, Иван Гоголев, Савва Тарасов, Се-
мен Руфов, Семен Никифоров, Иван Федосеев, Феоктист
Софронов, Василий Сивцев, Семен Курилов уо.д.а. Бары-
ларын кытта Москваҕа билсибитим уонна биири сөҕөбүн:
маннык улахан суруйааччылар баара-суоҕа сүүрбэччэлээх
уолга хайдахтаах курдук киһилии сыһыаннаһыыларын,
тэҥнээхтэринии кэпсэтэллэрин, үөрэххэ, айар үлэҕэ аҕалыы
эриэккэс такайыыларын, сылаас сыһыаннарын, сүбэлэ-
рин-амаларын, онтон сорохторо харчынан көмөлөрүн... Олох
барахсан очурдарыгар оройбунан охсулла да сылдьаммын,
кинилэр үөрэтиилэринэн тыыннаах орпутум диэммин, са-
хам суруйааччыларыгар махталым улахан! Кинилэр көмүс
сүбэлэригэр нөрүөн-нөргүйэн махтанабын! Армияҕа сулуус-
палыыр икки сылтан ордук кэммэр төрөөбүт сахам тылы-
нан кэпсэппэккэ сылдьан, сахам суруйааччыларыгар анаан
“Эһигинэ суох” диэн хоһоон суруйбутум:
Суохтуубун, олуһун суохтуубун,
Сахам суруйааччыларын, эһигини —
Дьонтон эрэ ураты майгыгытын,
Барыны өйдүүр уйан сүрэххитин...
Эһигинэ суох өрүү чуҥкукпун, соҕотохпун —
Тыллыбатах ньургуһуннаах сааскыбын,
Күөрэгэй уруйдаабат сайынабын... .