Page 13 - Иван Мигалкин Күн таммаҕын ыһыспыт дьылҕалар

6. Ыар сурах... этиҥ буолан

Эллэйдээх Семен Руфов хоспор ыалдьыттаабыттарын
кэнниттэн, биир сыл буолан баран, 1976 с. ахсынньы 14
күнүгэр дневникпэр суруйбуппун: “Семинар кэнниттэн
уопсайбар кэлэн, Евгения Васильевнаттан (Петр Тобуруо-
кап кэргэнэ — сытыары-сымнаҕас майгылаах, аһыныгас
үтүө сүрэхтээх, сааһын тухары учууталынан үлэлээбит
Е.В.Ноговицына) кырдьаҕас партийнай үлэһит, революцио-
нерка Марфа Георгиевна Потапова-Габышеваҕа Саха си-
риттэн ыыппыт баһыылкаларын ыламмын, Ждановскай
метроҕа бардым. Олорор дьиэтэ метроттан 4 эрэ тохтобул
эбит. Кини үөрэ көрүстэ. Унуоҕунан кыра, хатыҥыр,
нүксүгүр, наһаа культурнай тыллаах-өстөөх. Улууһугар
биллибит баай Потапов кыыһа, репрессияҕа түбэһэн ытыл-
лыбыт Александр Габышев кэргэнэ. Марфа Георгиевнаҕа
Евгения Васильевна кэлээри сырыттаҕына, оҕолоро пере-
говорга ыҥырдылар диэммин, тоҕо кэлбэтэҕин быһааран
биэрдим. Онон бырастыы гынарыгар көрдөстүм.
Марфа Георгиевна бастакы сонуна Эллэй өлбүтүн ту-
һунан буолла. Якутскайтан телефоннаабыттар. “Куһаҕан
сонуннаах олоробун”, — дии-дии бэркэ хараастан, төттөрү-
таары хаамыталыы сырытта.
Соһуйан эрэ хааллым... Киһи итэҕэйбэт... Былырыын бач-
чаларга мин хоспор сылдьан үөрэ-көтө ыалдьыттаабыта
эбээт! Дэлби үөрэн-көтөн!..
Эллэй аны суох — хайдахтаах кутурҕаный саха лите-
ратуратыгар! Марфа Георгиевна маннык сонунун кэннит-
тэн, кини кыыһынаан бэлэмнээбит бэрт минньигэс сыттаах-
сымардаах киэһээҥҥи аһылыктарыттан тугу да тыыппак-
ка, олорор уопсайбар хам аччык кэлэн сытынан кэбис-
тим...”
7. Үтүө аатын өссө үрдэтэр

Николай Габышев народнай поэт Эллэйдиин үрдүкү
салалтаҕа элбэхтэ туруорсан, үгүс күүстээх утарсааччы-
лары кытта хабырдык киирсиһэн, республика радиотынан
хас да төгүл аналлаах биэриини оҥорон, мин биир дойду-
лаахпар Сергей Васильевка Ойуунускай аатынан бириэ-
мийэни “Улуу Ильмень” балладатыгар аныылларын бэрт
эрэйинэн ситиспиттэрин туһунан биир түгэҥҥэ түбэһин-
нэрэн, кэпсээн турардаах. Билигин сыта-тура санаан
көрдөххө, Николай Алексеевич бу кэпсээнэ оруннаах. Оч-
чолорго (билигин Кулаковскай аатынан бириэмийэ эбил-
либитэ) чороҥ соҕотох бириэмийэни былдьаһыыга төһөлөөх