Page 100 - Норуоттан тахсыбыт талаан

тыыра. Биһиэхэ үтүө да, куһаҕан да күммүтүгэр мэлдьи Өаар
буолара. Уран оҥоһукка барытыгар бэрт мындыра. Туос, мас,
муос оҥоһуктарга, бэл, таҥаһынан тигиигэ тиийэ кыттарын,
сүбэлиирин сөҕөрүм. Оннооҕор оҕуруону тиһэргэ кытта Сүбэ-
ама буолара. /
Сэрииттэн кэлэн баран биһиэхэ олорон, муостан арааһьцоҥо-
руунан дьарыктаммыта. Ол курдук, муостан кып-кыра чороону,
дьон мэтириэтин оҥороро. Сталиҥҥа бэлэх ыыппыт саахыматын
Михаил Васильевич Бурцев—Хантаҕар Мэхээлэ сахатын дьиэтигэр
олорон саҕалаабыта. Оччолорго муос көстүбэт буолан, наһаа харыс-
тыыра, сороҕор мөлтөх хаачыстыбалаах муос түбэһэн эрэйи
көрөрө.
Биһиги Чараҥ бөһүөлэкпит Терентий Васильевич иккис дойдута
этэ. Чараҥҥа кэллэр эрэ, Нэлээҥҥэ күүлэйдээн, Хара Маска
отонноон бардаҕына астынара. Ол да иһин буолуо, Ойуунускай
пааматынньыгын оҥороругар хайдах курдук санаатын уурбутун,
кыһаллыбытын мэлдьи умнубакка саныыбын. Оччолорго Гаврил
Илларионович Конников, Дмитрий Петрович Копырин тэбис-
тэҥҥэ Терентий Васильевичтыын сылдьаннар, көх-нэм буолан-
нар, көмөлөһөннөр астыннарбыттарын куруук ахтара. Бу ахтар-
саныыр дьонум билигин үһүөн суохтар. Терентий Васильевич:
“Ойуунускайым пааматынньыга мэлдьи туруо, айылҕа бэйэтэ
араҥаччылыа”, — диирэ.
Оройуоҥҥа да, нэһилиэктэргэ да таҕыстаҕына, биһиэхэ хайаан
да таарыйан ааһара. Мустан аһаатахпытына, көрү-нары көҕүлүүрэ.
Ыллыырын наһаа сөбүлүүрэ. “Татыйаас”, “Үрүмэччи маҥан ыт”,
“Ьыт-диэ, һыт-диэ”, “Мотуруона” диэн ырыалары араастаан тут-
тан-хаптан ыллыырыттан күлэрбит. “Дьээ-буону” ыллаатаҕына,
дириҥ баҕайы куоластаах буолара.
Күндү күтүөппүт, биэс оҕо амарах аҕата биһиги эдьиийбитин,
үөрэҕэ суох боростуой дьахтар диэбэккэ, бэйэтин кытта тэҥҥэ
тутан, бүөбэйдээн уһун үйэлээтэ. Москваҕа, онтон да атын куо-
раттарга буолар быыстапкаларга кыттарыгар мэлдьи илдьэ сылдьа-
ра. Эдьиийбит барымаары гыннаҕына: “Өрүү дьиэҕэ олорор киһи,
сэргэхсий, ону-маны көр-бил”, — диирэ. Терентий Васильевич
туһунан киһи өссө элбэҕи ахтыан сөп, кини биһиэхэ күндү киһи-
бит, мэлдьи өйбүтүгэр-санаабытыгар тыыннаах.
Тохсунньу 31 күнэ, 1996 сыл.
Хоро нэһилиэгин Чараҥ бөһүөлэгэ