Page 36 - Норуоттан тахсыбыт талаан

Терентий Васильевич кэтэһэн хайы-үйэ көрүдүөргэ чөкөллөн
олороро. Рая докумуонун ыла врач кабинетыгар киирбитигэр:
— Хата, оҕом доҕоттордоох буолан дьиэбин булар массыыналан-
наҕым. Оҕом бэлэмигэр сылдьар оҕонньор буоллаҕым, — диэбитэ.
Оҕолорун мээнэҕэ хайҕаабат киһи чахчы кыаҕын ылларан сылдьар
кэмэ буолан тыл ыһыгыннаҕа. Ити күһүнүгэр кини күн сириттэн
букатыннаахтык барбыта.
Терентий Васильевич Аммосов кыыһа Раялыын (билигин фило-
логическай наука кандидата, Ойуунускай аатынан литературнай
музей научнай үлэһитэ) бодоруһаммын, саха биир саарынын, киэн
туттар худуоһунньугун кытта айах атан кэпсэттэҕим, тылын-өһүн
иһиттэҕим, дьиэтигэр-уотугар сырыттаҕым. Ону мин дьылҕам биир
үтүө бэлэҕин быһыытынан сыаналыыбын

Федор ЕФИМОВ,
СР П.А.Ойуунускай аатынан Государственнай
бириэмийэтин лауреата, Россия уонна СР
культуратын үтүөлээх үлэһитэ
БЭРТЭЭХЭЙ КИҺИ этэ

(уг) оссия уонна Саха Республикатын народнай худуоһунньуга,
Россия И.Е.Репин аатынан Государственнай бириэмийэтин
лауреата, муосчут Терентий Васильевич Аммосов Уус Алдан улуу-
һугар төрөөбүтэ.
Худуоһунньуктар 1984 с. бэчээттэнэн тахсыбыт справочник-
тарыттан көрдөххө, 1984 с. диэри сүүрбэ муосчут худуоһунньук
баар буола сылдьыбыт. Терентий Васильевич биир саамай кырдьа-
ҕас муосчут эбит. Оттон саамай кырдьаҕастара Д.М.Никифоров
эмиэ Уус Алдан улууһун I Лөгөнтөй нэһилиэгэр 1883 с. алтынньы
30 күнүгэр төрөөбүт. И.Ф.Мамаев диэн Саха Республикатын на-
роднай худуоһунньук муосчута Горнай улууһун II Одун нэһилиэгэр
1893 с. бэс ыйын 13 күнүгэр төрөөбүт. Үсүһүнэн Саха Республи-
катын искусствотын үтүөлээх деятелэ муосчут В.П.Попов Мэҥэ
Хаҥалас улууһун Баатара нэһилиэгэр 1906 с. тохсунньу 11 күнүгэр
төрөөбүт. Дьэ ол кэнниттэн биһиги киһибит Терентий Васи-
льевич Аммосов 1912 с. муус устар 2 күнүгэр төрөөбүт. Онон
кини миигиттэн 3 сыл аҕа эбит.
Муосчуттартан биир бастыҥнара, биллэн турар, Терентий Васи-
льевич Аммосов этэ. Кини оҥорбут үлэлэриттэн мин саамай сөх-
пүтүм, таптыы көрбүтүм олоҥхо матыыптарынан оҥоһуллубут
муос саахыматтар, “Ньургун Боотур уонна Сорук Боллур”, “Саха
сирин народнай суруйааччылара”, “Изобилие”, “Коневодство”