Page 34 - Норуоттан тахсыбыт талаан
P. 34
кэпсэтиэмий диэн ордук толлорум. Биирдэ Раям: “Оо, дьэ, бу
да кыыһы, аҕабын олох көрүөҥ да суоҕа, мин хоспор быһа
ааһыахпыт буоллаҕа”, — диэн туран, иннибин ылан илпитэ.
Хантан, быһа ааһыахпыт баара дуо, мас дьиэлэригэр киирэ
түһээтин аан таһынааҕы диван аттыгар кэргэнэ Мария Николаев-
налыын муос эрбии тураллара. Үлэлэрин тохтотон, оҕолорун
ыалдьытын, миигин, кытта бэркэ сэҥээрэн кэпсэппиттэрэ. Ордук
Терентий Васильевич төрдүбүн-ууспун, хайа дойдуттан сылдьар-
бын туоһуласпыта, сураспыта. Иккиэн да эйэҕэстэрэ, борос-
туойдара, били толлубутум, кэмчиэрийбитим ааһа охсон хаалбыта.
* * *
Улуу маастар дьиҥнээх үлэтин музейдарга, быыстапкаларга үк-
сүгэр өстүөкүлэ нөҥүө хараххынан эрэ көрөҕүн дии. Оттон мин
тутан-хабан көрбүттээхпин. Сайын, арааһа, Раям төрөөбүт күнүгэр
буолуо, кыыстаах уолбун Яналаах Спираны (оччолорго кыралар)
илдьэ сайылыктарыгар тиийбитим. Терентий Васильевич бэркэ
сүргэтэ көтөҕүллэн, үөрэ-көтө көрсүбүтэ.
— Хайа, тоҕо үчүгэйэй, урут үктэммэтэх, саҥа, сонун дьоннор
кэллилэр. Киириҥ, ааһыҥ улахан дьиэҕэ, онно быдан сөрүүн,
сөрүүкүү түһүҥ. Хата, оҕолорбор үлэлэрбин көрдөрүүм, — диэ-
битэ. Дьэ уонна ыскаапка турар эҥинэ араас үлэлэрин биир-биир
ылан остуолга уурталаабыта.
Мин дьонум киһи хараҕа халтарыйар дьикти куруһубалаах
шкатулкалары көрө да барбатылар, ол оннугар иккиэн сарбаспы-
тынан саахымат фигураларыгар түстүлэр. Сүүһүн ортотунан
харахтаах бөрү-бөкчөгөр абааһы оҕолоро — ньыкаалары биир-
биир үллэстэн бараары ыксаттылар. Мин оҕолорбун буойар аакка
бардым:
— Илиигитинэн туппаккыт, тыыппаккыт, сатаммат, — диэтим.
Онуоха Терентий Васильевич сонньуйда:
— Саха киһитэ тутан-хабан көрдөҕүнэ эрэ астынар баҕайыта,
мэһэйдээмэ, — диэтэ. Дьиҥинэн, бэйэм да илиибэр ылан кө-
рүөхпүн ымсыыра турар киһи, көҥүллэппит саҕа сананан, муосчут
үлэлэрин оҕолорбун кытта биир-биир астына сыымайдаатыбыт.
* * *
Терентий Васильевиһы кытта бииргэ түбэсиһэн Москваҕа көп-
пүттээхпин. Самолет аара Красноярскайга тохтообутугар аргыһым
хайдах эрэ ыарытыйар курдук туттарын бэлиэтии көрөн, баҕар,
туох эмэ көмөҕө наадыйара буолаарай дии санаан:
— Терентий Васильевич, курортаан иһэҕин дуу? — диэн сэмээр
ыйыппытым.
