Page 32 - Норуоттан тахсыбыт талаан

Биһиги ыалга элбэх хоноһо түһэр, ыалдьыт сылдьар. Кини ону
олус сөҕөр, хайдах ити айылаах дьон ортотугар үлэлиирбин бэрки-
һиир. Кинилэргэ да ыалдьыт сылдьар сирэ. Олортон Ф.П.Ефимов
кэлэрин өйдүүбүн. Тэрэнтэй Баһылайабыс киниэхэ олус үөрэр,
доҕордуу тапсар дьон быһыылааҕа.
Биһиги оҕолорбутун (оччоҕо кыралар) таптыыр этэ. Саҥардыы
тылланан эрэр уолбут киирэн кини оҥоһуктарыттан муос аттары
ыйа-ыйа: “Коняшка, коняшка!” — диир. Тэрэнтэй Баһылайабыс
олус үөрэр, туттаран көрдөрөр, атын да оҥоһуктарын ылан көрдө-
рөр. Онтон эр ылан уолбут куруук сылдьар, ол аайы кини: “Оо,
коняшка кэллэ!” — диэн үөрэ түһэр. Куруук ыйытар: “Хайа,
коняшка хайдах сылдьар, тоҕо киирбэтий?”.
Орто кыыспыт Айта ыалларбытыгар тахсан, хас да араас
“нүөмэрдээх” муоданы көрдөрөр, “концерт” биэрэр. Ол аайы Тэ-
рэнтэй Баһылайабыс сүргэтэ көтөҕүллэн, күлэн-үөрэн эбии тэп-
тэрэн биэрэр: “Чэ эрэ, “муода два” көрдөр, өссө хайдах этэй
“муода три”, — диэн буолар. Оттон улахан кыыспыт кини илиҥ-
ҥи фроҥҥа сылдьыбытын туһунан кэпсээни суруйан “5” сыананы
ылан, бэйэтэ да үөрдэ, дьээдьэтин да үөртэ.
Бииргэ олорбуппут онус сылыгар, Дьахтар күнүгэр, биһиги
ийэлэрбитигэр Машаҕа уонна Лизаҕа уу оҕуһун муоһуттан түөскэ
кэтэр, илин кэбиһэр курдук, сиэдэрэй, сахалыы оһуор-мандар
симэҕи оҥорон бэлэх туттартаан кэбистэ уонна эттэ: “Биһиги
бу 10 сыл үчүгэйдик, дьоллоохтук-иллээхтик олордубут, ону ахта-
саныы сырыттыннар диэммин ис сүрэхпиттэн бэлэхтиибин”.
Тэрэнтэй Баһылайабыстаах саҥа дьиэлэрин малааһына буолла.
Онно кини уруккутун курдук сүргэтэ көтөҕүллэн үөрбэтэҕиттэн
биһиги сүрэҕин ыарыыта бэргээбит, ыалдьар эбит дии санаа-
быппыт.
Кэлин биирдэ “Туймаада” маҕаһыын таһыгар уулуссаҕа көрүс-
түбүт. Уруккутун курдук үөрэ-көтө көрсүбэтэ, санаата түспүт,
кыһалҕаҕа ылларбыт, аймаммыт-хараастыбыт көрүҥнээх. “Доҕор,
дьэ мин улахан кыһалҕаҕа ыллардым. Миигин дьоннор атаҕастаан
эрэллэр. Хайыах бэйэм буолла... Манна биир киһи көрсөн: “Харса
суох үҥсэн, айдааран биэриэххэ, сууттаһыахха даҕаны, кинилэри
кэһэтэн биэриэххэ! — дии-дии бирээмэ силэ бырдаҥалыы-бырда-
ҥалыы айаҕаланна. Оттон эн туох дии саныыгын?”. Мин ол
“дьоннор”, “кинилэр” диэн кимнээх буолалларын, ким “силэ
бырдаҥалаабытын”, бэл хайдах атаҕастаммытын да токкоолоһон
ыйыталаһа барбат киһи түбэстим. Ханнык эрэ биллэр дуоһунастаах,
дипломнаах искусство дьоно оҕонньору намтата көрөллөрүн,
оҥоһуктарын ахсарбат буола сатыылларын туһунан кырдьыга-
сымыйата соччо биллибэт сураҕы кулгааҕым уһугунан арыт