Page 33 - Норуоттан тахсыбыт талаан

истэрим да, онно олох суолта биэрбэт этим. Мин, үҥсүүнү-хар-
сыыны нэгэй быһыы курдук үйэбэр өлөрдүү абааһы көрөр киһи,
этэбин: “Тэрэнтэй Баһылайабыс, ити барыта эйиэхэ туох да суолтата
суох. Эн улахан киһигин, улуу киһигин. Төрөөбүт норуотун былыргы
дьарыгын саҥа үрдүк кэрдиискэ таһаарбыт сүдү киһибит Тэрэнтэй
Омуоһап баар этэ диэн саха омукка көлүөнэттэн көлүөнэҕэ барыаҥ.
Эн саха муоһун искусствотын өссө киэҥ эйгэҕэ таһаардыҥ,
оҥоһуктарыҥ, били саахыматыҥ эҥиниҥ, дойду аатырбыт музей-
дарыгар бааллар буолбат дуо? Хата, ити аайы санааҕын түһэримэ,
онто суох ыарытыйа сылдьан сүрэх бааһа оҥостума, сапсыйан
кэбис!” — диибин. Киһим “кырдьык да” диэх курдук эгди буола
түстэ, миигин үтүө санаам иһин хайҕаата, махтанна. Дьоһуннук,
эйэ дэмнээхтик быраһаайдаһан араҕыстыбыт. Ити биһиги тиһэх
көрсүһүүбүт этэ. Дьэ биһиги итинникпит ээ: киһи баарыгар, тыын-
нааҕар, өрө тутуох, харыстыах, санаатын көтөҕө сылдьыах оннугар,
үксүгэр төттөрүтүн оҥоро сылдьар куһаҕан адьынаттаахпыт. Тоҕо
биһиги чулуу дьоммутун харыстаабакка, үтүрүйэ, тоҕонохтуу сыл-
дьарбыт буолуой? Ычабыт кырата бэрт дуу, сиэрэ суох бэрт былдьа-
һарбыт итиччэ дуу? Оттон, дьиҥэ, киһи аата киһи. Өссө Тэрэнтэй
Баһылайабыс курдуктар кимнээҕэр нарын-намчы, оҕолуу уйаҕас
дууһалаах дьон буоллахтара эбээт... Ону, бу мутугунан быраҕар мунур
үйэҕэ, куруук өйдүүр-саныыр, харыстаһар, былыргылыы киэҥ
көҕүстээх дьон буоларбыт буоллар...

Варвара УГАРОВЛ,
журналист, Саха Республикатын
культуратын үтүөлээх үлэһитэ

КӨРСҮҺҮҮ ТҮӨРТ ТҮГЭНЭ
6 £ / ниверситекка үөрэнэ сылдьан, норуот маастара Терентий
^ Васильевич муостан чочуйан оҥорбут нарын-намчы үлэлэ-
рин санатар, такымынан охсуллар уп-уһун, хоп-хойуу суһуохтаах,
күөкэйбит моойдоох, курбуу курдук уҥуохтаах номоҕон бэйэлээх
кыыһын Раяны, уолаттар эрэ буолуо дуо, оннооҕор биһиги, кыр-
гыттар, көрөөрү анаан-минээн көрүдүөргэ кэтиирбит-маныырбыт.
Ол Раябыт III курска бэйэбитин кытта бииргэ үөрэнэр буолбута.
Нуучча тылыттан саха салаатыгар көспүтэ. Онтон ыла күн бүгүнү-
гэр диэри Рая баар-суох истиҥ, чугас дьүөгэм.
Рая миигин дьиэтигэр ыҥыра сатыыра. Оччотооҕу оҕо кэнэн
муҥутаан, саха норуота бүтүннүүтэ киэн туттар киһититгэн, Терен-
тий Васильевичтан, кыбыстарым, оччо сүдү киһини кытта тугу