Page 45 - Норуоттан тахсыбыт талаан

диэн чорооннор, “XXX лет ЯАССР” диэн шкатулка уо.д.а. этилэр.
Бу үлэлэр уонна атыттара даҕаны киһи сөҕүөн курдук олус үчүгэй,
кэрэ этилэр. Кини мындыра, ону-маны толкуйдаан, олус тупсаҕай-
дык оҥороро киһини сөхтөрөрө.
Дэлэҕэ даҕаны кини оҥоһуктарынан отучча быыстапкаҕа
кыттыа уонна онтукалара дойду тас өттүгэр түөрт омук сирдэригэр
көрдөрүүгэ туруоруллуохтара дуо.
Ол курдук, Якутскайга буолбут быыстапкаларга — 1948, 1957,
1962, 1982 сс.; Москваҕа - 1950, 1952, 1954, 1956, 1957, 1963, 1965,
1967, 1968, 1971, 1975, 1982 сс.; Ленинградка — 1972 с.; Уфаҕа —
1972 с.; Туваҕа — 1968 с.; Магадаҥҥа — 1971 с.; Хабаровскайга —
1954, 1967 сс.; Улан-Удэҕа — 1950, 1969 сс.; Владивостокка — 1974 с.;
Иркутскайга — 1956 с.; РСФСР куораттарынан — 1963—1964 сс.
кыттыталаан турардаах. Ону таһынан, оҥоһуктара Румынияҕа,
Китайга, Канадаҕа, Японияҕа да көрдөрүүгэ туруоруллубута.
Санаан көрүҥ, Терентий Васильевич хаарыаннаах үлэлэрэ төһөлөөх
элбэх сиргэ, сорохторугар хастыыта да көрдөрүүгэ туруоруллан,
тоһө эрэ киһи сүрэҕин-быарын манньытта, санаатын-оноотун
көтөхтө буолла. Бу буолар орто дойдуга төрөөбүт киһи дьоло-
соргута, онон Терентий Васильевич бу орто дойдуга дьоллоох-
соргулаах олоҕу олорон ааста диэхпитин сөп. Маннык киһинэн
кини төрөөбүт-үөскээбит Уус Алдан улууһа, ону тэҥэ бүтүн Саха
сирэ даҕаны киэн туттуон сөп.
Терентий Васильевич Аммосов биһикки аан бастаан бэрт интэ-
риэһинэйдик көрсөн турардаахпыт.
Аҕа дойду Улуу сэриитэ саҕаламмытын кэннэ Якутскай куорат-
ган бастакы хомуурга түбэһэн армияҕа барбытым. Бастаан миигин
Улан-Удэ таһыгар баар Дивизионнай диэн станцияҕа младшай
командирдар оскуолаларыгар үөрэппиттэрэ, онтон Сретенскэй
диэн куоракка офицер буолар үөрэххэ ыыппыттара. Ол Сретен-
скэйдээҕи офицерскай үөрэҕи бүтэрбитим кэнниттэн лейтенант
аатын биэрэн баран, Иркутскай таһыгар баар Мальта станцияҕа
|>1ыппыттара. Онно минометнай взвод командира буолан, саллаат-
гары минометунан ытарга үөрэтэр этим. Саха сириттэн сэриигэ
барбыт дьон барыларын сыһа кэриэтэ аан бастаан ол Мальтаҕа
гиийэллэрэ. Мальтаҕа хас эмэ тыһыынчанан киһи сылдьарыттан
үксэ сахалар этилэр. Олох билэттээбэт дьонум — эдэрдэр да,
сааһырбыттар да кэлэллэрэ. Ол эрээри олор быыстарыгар үгүс
билэр дьоммун көрсүбүтүм.
Ол сөп буола-буола кэлитэлиир дьону, быһыы-майгы хайдаҕыт-
ган көрөн, сэриилэһэр армияларга ыыталлара. Сорохтору кэлээттэ-
рин кытта баанньыкка сууннаран, таҥастарын-саптарын уларытта-
ран, байыаннай таҥаһы кэтэрдэн баран тута полигоҥҥа таһааран