Page 153 - Иван Мигалкин. Сүрэхтэн саҕыллар санаалар

бакка, инники олоҕу өтө көрөр ураты талааннааҕа, ол туһунан
норуодунай поэт Семен Данилов адьас эрдэ бэлиэтии көрөн су-
руйбута: «...Сергей Васильев айымньытын биир суол сүрүн ура-
тытын, күүстээх өттүн быһыытынан кини өрүү өрө көтөбүллүүлээ-
ҕин, үксүгэр романтическай күүрүүлээҕин бэлиэтиэххэ сел. Кини
айымньыта ис хоһоонунан күннээҕи олох туруорар модьуйуула-
рыгар эппиэттиир, быһаччы олохтон үүнэн тахсар өрүү актуаль­
ней тематикалаах. Ити, олох биэрэр матырыйаалыгар олоҕуран,
поэт сарсыҥҥы күнү өтө көрөр, инники кэскилгэ ыҥырар. Итини
биһиги поэт хоһоонугар барытыгар көрүөхпүтүн сөп».
«Үрүҥ былыттар», «Үрүйэ тааһа», «Үөрүү», «Сири истэбин»
уо.д.а. кинигэлэринэн ааҕааччылар киэҥ биһирэбиллэрин ылбыт
поэт Василий Сивцев саха литературатыгар 60-с сылларга киир-
битэ. Кини Сергей Васильев туһунан маннык суруйбута: «Сергей
Васильев поэзията норуот тылынан уус-уран айымньытыттан си-
лис тардан, хагдарыйбат харыйа курдук үүнэн, сайдан тахсыбыта.
Үлэлиир, айар кэмҥэ дьон-сэргэ махталын ылыы, норуот киэҥ
биһирэбилигэр тиксии — бу үлэ-хамнас ханнык баҕарар эйгэти-
гэр сылдьар киһиэхэ үрдүк үөрүү... Сергей Васильев эмиэ итин-
ник үөрүүгэ тиксибит поэт.
Дьиҥнээх поэзия биир сүрүн күүстээх өттүнэн аҕыйах стро­
к а элбэх санааны, киэҥ өйдөбүлү биэрэргэ кыһаныы буолар.
Бу хоһоон идеятыгар, тутулугар, форматыгар эрэ буолбакка, кини
ис хоһоонун культуратыгар, эстетикатыгар улахан болҕомтолоох
буолары эрэйэр. Ити барыта билиҥҥи олох түргэн сайдыыта,
баай ис эгэлгэтэ дьиҥнээх айар талааннары чуор кулгаахтаах,
кыраҕы харахтаах оҥороруттан тахсар. Оттон уһун эпическэй
формаҕа бэйэтин дьоҕурун киэҥник билиннэрбит киһинэн Сергей
Васильев буолар».
* * *
Саха АССР Миниистирдэрин Сэбиэтин 1969 сыл от ыйын
2 күнүнээҕи уурааҕынан, литератураҕа уонна искусствоҕа Ойуу-
нускай аатынан Саха АССР Государственнай бириэмийэтэ «Улуу
Ильмень» диэн балладатын иһин поэт, общественнай диэйэтэл,
публицист Сергей Васильевка анаммыта. Бу уурааҕы мин, Бү-
лүүтээҕи И. Г. Чернышевскай аатынан училищеҕа туттарса сыл­
дьар уон биэстээх уолчаан, олус да үөрэн, киэн туттан аахпып-
пын өйдүүбүн...
Кэлин 1974 сыл олунньу 23 күнүгэр, кырдьаҕас Новгород си-
ригэр Старай Руссаҕа тиийэммин, Саха сирин өлбүт буойуннары-
149