Page 154 - Иван Мигалкин. Сүрэхтэн саҕыллар санаалар

гар ытык кэриэстэбилинэн туруоруллубут бастакы мрамор паа-
матынньыкка сүһүөхтээх бэйэм сүгүрүйэн, нөрүөн нөргүйбүтүм...
Бу кэмҥэ мин, сүрэх ытабылынан Сергей Васильев хаһан да
өлбөөдүйбэт строкаларын хатылыыр курдугум:
Мин туруум —
Аһыылаах дьоннорум ааттарын чиэһигэр,
Албаннаах кыайыыларын күлүмүн иэһигэр —
Кырдьаҕас тулаайах ийэттэн, абаттан,
Кылыстыы кылбаҥныыр эдэркээн ыччаттан,
Кый ыраах Ленаттан, долгуйар Амматтан,
Кырыалаах Дьааҥыттан, көмүстээх Алдантан,
Төҥүлү күөлүттэн, киэҥ Ньурба ыалыттан,
Төрөөбүт сирбиттэн — солко күөх Суоттуттан
Төбөбүн хаҥкыта!
Сибэкки быраҕа!
Мин туруум —
Аһыылаах хараҕым уутун манна таммалата!
Дьоннорум уҥуоҕар ону манна ханыылата!
Эймэлгэннээх ол хараҕым уутун таммаҕа
Эн, Улуу Ильмень, омуннаах долгуҥҥар
Уһун үйэлэр мындаалаах усталарыгар
Оонньуу-кылбачыйа сылдьыстын!
Улуу буойуттар чиэстэрин туойустун!
Эн торҕо солко отторгор,
Эн синньэ-дьэрэкээн киистэлэргэр,
Эн сиздэрэй кэрэ сибэккилэргэр
Сиик буолан чопчулаһа турустун!
Оҕуруолуу оонньуу чаҕылыстын!..
Старай Руссаҕа сырыттахпына, биир саас ортолоох нуучча
дьахтара миэхэҕэ манныгы кэпсээбитэ:
— 1943 сыл олунньуга дьиэлээхтэр бары туран, саҥардыы
чэйдээри сырыттахпытына, 18— 19 олус эдэркээн дьүһүннээх
саха уолчаана киирэн кэлбитэ. Кини нууччалыы биир да тылы
билбэтэ. Икки илиитин тосту ыттаран, илиилэрэ салыбыраһа
сылдьаллара. Ыарыыта да сүрдээх быһыылааҕа. Тугу эрэ бэйэ-
тин тылынан саҥараахтыыра... Мин уончалаах кыысчаан этим.
Ол да буоллар сэрии алдьархайын улахан дьонтон туох да
итэҕэһэ суох эппинэн-хааммынан өйдүүрүм. Саха уолун наһаа
аһыммытым. Ийэм киниэхэ тымныы уу иһэрдэн баран, саҥардыы
өрбөх таҥас сыыһынан бэрэбээскилээри гынан эрдэҕинэ фашис-
тар көтөн түспүттэрэ, саллааты тиэргэҥҥэ соһон таһааран, икки
атаҕын тосту ыппыттара... Ити кэмҥэ халлаан наһаа тымныыта
суоҕа, -5 кыраадыс эҥин быһыылааҕа. Фашистар бардылар дии
санаан, ийэм саха уолун дьиэҕэ соһон киллэрээри тахсыбыты-
150