Page 201 - Иван Мигалкин. Сүрэхтэн саҕыллар санаалар

кандидата Василий — компьютерга сахалыы алпабыыты аан
бастаан айбыта, бэйэм норуодунай поэт аатын ылбытым буолар.
Икки быраатым — Саха Республикатын бырабыыталыстыбатын
миниистирдэринэн улэлээн, Саха сирин сайдыытыгар кылаатта-
рын киллэристэхтэрэ. Кинигэ суолтата онно.
Билиҥҥи кэмҥэ, сэдэх соҕустук да буоллар «Бичик» кинигэ
кыһатыгар сылдьаммын үлэҕэ саҥа киирбит эдэркээн оҕолор-
дуун үөрэ-көтө кэпсэтэн ылар идэлээхпин. Бу барахсаттар өй-
дүүн-санаалыын биһиги кэммититтэн олох уратылар, инникини
анааран көрөр кэскиллээх санаалаахтар, олоххо дьулуурдара бы-
дан күүстээх. Кинилэр этэҥҥэ эрэ сылдьан төрөөбүт ийэ тылбы-
тын, литературабытын харыстааталлар, салгыы бүөбэйдээтэл-
лэр диэн баҕа санаалаахпын.
Ол да буоллар, төһө да кылгас кэмкэ кинигэ кыһатыгар редак-
торынан үлэлээтэрбин, редактор үлэтин туһунан маннык санаа-
лар үөскээбиттэрэ. Редактор дуоһунаһыгар олорор киһи — хан-
нык баҕарар майгылаах-сигилилээх ааптары кытта, (сорох арды-
гар «абытайдар» да түбэһээччилэр) эйэ дэмнээхтик, лоп бааччы
быһаарсар, бэйэтин тылын-өһүн киниэхэ күүс өттүнэн соҥнообок-
ко эрэн, ылыннарар буолуохтааҕын. Рукопиһы көннөрүүнэн эрэ
муҥурдаммакка, айымньы корректуратын үс-түөрт, оннооҕор да
элбэхтик ааҕыахтааҕын. Корректураны ааҕыы — үлэ киэнэ саа-
май эрэйдээҕэ, сылаалааҕа. Манна, лаппа үчүгэйдик да билэр
тылгар, сыыһа бэчээттээһинтэн бэйэҥ да мунааран, буккуллан
хаалыаххын сөп. Маны тэҥэ, бөдөҥ суруйааччылар бэйэлэрэ
эрэ таптаан туттар ньымалаах, тыллаах-өстөөх буолаллар. Он-
нугу көннөрүө суохтааххын өйдүүгүн. Холобур, Софрон Данилов
хоһоонноругар «суох» диэн тылы «һуох» диирэ, күүһүрдүү уонна
ыйытыы бэлиэлэрин, икки туочуканы ^рнна туочукалаах запятойу
табан туруортуура, хоһоон тутулун сирэй сака окортуура — хай­
дах эрэ туспа тональностаах итиэннэ ураты музыкальнайдык
тахсаллара, дууһаны өрүкүтэр дорҕооннору үөскэтэллэрэ. Ман­
нык дириҥ санаалаах, ырааҕы өтө көрөр киэҥ философиялаах
хоһооннор — олоҕу өр сыл кэтээн көрүүттэн, төрөөбүт норуоту-
гар кини истиҥ тапталыттан суруллаллар.
«Кырдьаҕастан алгыһын, эдэртэн эйэтин ыл» диэн биһиги
өбүгэлэрбит былыр-былыргыттан этэллэринии, кырдьаҕас кө-
лүөнэ редактордар издательствоҕа кэлэ-бара сылдьан, сүбэ-
ама биэрэллэрэ. Биир дойдулааҕым, фронтовик-поэт Иннокен­
тий Артамонов, таптыыр поэтым Рафаэль Баҕатаайыскай мии-
гин элбэххэ үөрэттэхтэрэ, иитэн-такайан да биэрдэхтэрэ буолуо.
Махталым улахан. Бэйэм тус санаабар, сатаан махтаныы, дьо-
197