Page 228 - Иван Мигалкин. Сүрэхтэн саҕыллар санаалар

һынтан нэһиилэ иэҕэҥниир ийэтэ Варвара Васильевна Охлоп­
кова ыалдьыбыта үһүс күнүгэр, үлэтин тохтоппокко сылдьан,
киэһэ үһүс ыамҥа, дьүөгэ дьахтарыттан көрдөспүт: «Ыарыйдым
быһыылаах, солбуй эрэ», — диэн, итиэннэ ол түүнүгэр өлөөх-
төөбүт.
Инньэ гынан, И.С. Прудецкай биэс саастаах Балбаарыс диэн
балтыныын эрэ хаалан, улахан үөрэх диэни билбэккэ, кыра саа-
һыттан үлэлээн киһи-хара буолбута.
Сэрии ыар сылларыгар Иннокентий төгүрүк тулаайах хаалан,
сайынын окко сылдьан, өйүө килиэпкэ эмээхситтэргэ атырдьах,
кыраабыл уонна күөрчэх ытыгын оҥорон биэрэрэ. Калин мае
оҥоһуктарга арыый үөрэнэн баран, хамсаны оҥорор буолбут.
Онто таах хаалбатах. Иллэҥ кэмигэр айылҕа ортотугар сылдьан
айылҕа матырыйаалларыттан — хаппыт силистэртэн, мутуктар-
тан хомуйан араас кыылы-сүөһүнү оҥортуура көрбүт эрэ киһи
болҕомтотун тардаллар. Кини ыытыллар фестивалларга, куон-
курустарга анаан куппут үрүҥ көмүс биһилэхтэрэ, ытарҕалара
үрдүк сыанабылы ылаллар. Ол сыала — эдэрдэр ортолоругар
сахалыы уус-уран оҥоһуктары эттэригэр-хааннарыгар тиийэ иҥэ-
рэн тарҕатыы, уһуйуу. Муоска, маска, үрүҥ көмүскэ, тимиргэ уон­
на айылҕа матырыйаалларыгар барыта 220-чэ араас суол үлэ-
лэрдээх.
Иннокентий Семенович уу оҕуһун муоһунан араастаан кыһан,
чочуйан оҥортообут декоративней кыыллара, быһахтарын укта-
ра, хатан тыллаах хомустара уонна кэлин сыллардааҕы удьур-
ҕайтан үлэлэрэ төрөөбүт улууһугар эрэ буолбакка, республикаҕа
тиийэ билиннилэр. Кини сатаабатаҕа, билбэтэҕэ-көрбөтөҕө диэн
суоҕун кэриэтэ: уус-уран оҥоһуктарга дэгиттэр, мындыр мааста-
рын тэҥинэн, улуус саахымакка күрэхтэһиилэрин көтүппэт, үксү-
гэр бэйэтэ да кыттар идэлээх, иккис спортивнай разрядтаах оон-
ньооччу.
И.С. Прудецкай улууһун иһигэр, элбэх тутууну салайан тут-
тарбыт, биир бастыҥ биригэдьиир быһыытынан эмиэ биллэр.
Ол курдук кини, улуустааҕы эргиэн тэрилтэтигэр, алта киһилээх
биригээдэнэн бэйэлэрэ маһын кэрдэн, тиэйэн хонтуора дьиэтин
салҕаабыттара, икки түөртүү кыбартыыралаах олорор дьиэни,
Танда уонна Тумул маҕаһыыннарын үлэҕэ киллэрбиттэрэ, о.д.а.
тутуулары үтүө суобастаахтык ыыппыттара.
Эдэр ыччакка эйэҕэс сыһыанын, мындыр билиитин бэлэхтээн,
дьэ, маннык күннээҕи олоҕунан олорор үлэ бэтэрээнэ И.С. Пру­
децкай.
Иннокентий Семенович кэргэнэ Мария Николаевна Андросо­
224