Page 227 - Иван Мигалкин. Сүрэхтэн саҕыллар санаалар

дэлэс дууһалаахтар. Бэйэлэрин үлэлэринэн атыттарга холобур
буолан, өрүү сырдыкка, кэрэьэ тардыһаллар.
Оннук дьоҥҥо Уус Алдан улууһун Бороҕонугар олорор ытык-
мааны кырдьаҕас И.С. Прудецкай киирсэр.
Иннокентий Семеновиһы урут оҕо сылдьан, көрөн эра билэр
буоллахпына, уонтан тахса сыллааҕыта Мүрү орто оскуолатыгар
үлэлии сылдьаммын, адьас чугастык билсэммин, үтүөкэн санаа-
лаах аҕа табаарыс туттубутум. Иннокентий Семенович сэмэй
майгытынан, көнө суобаһынан, эппит тылыгар лоп бааччы тура-
рынан доҕордоспут киһитин кутун-сүрүн ылар.
И. С. Прудецкай илии баттааһыннаах бэртээхэй ыстатыйалар,
бэлиэтээһиннэр улуус уонна республика хаһыаттарыгар тиһигин
быспакка бэчээттэнэр буолбуттара үйэ аҥаара буолла. Бу бы-
лаһын тухары кара кэпсээн кэһиилээх, көтөх муҥунан сонуннаах,
сытыы бөрүөтэ сыппыан кэриэтэ кылаана эбии сытыырхайан
иһэр. Хор, оннук буолар эбит, бастыҥ общественнай корреспон­
дент үлэтэ-хамнаһа, хаһыат эндирдээх үлэтигэр ахсаабат дьу-
луура, кыһамньыта. Ханнык ба^арар хаһыат биир да нүөмэрэ об­
щественнай корреспонденнар көмөлөрө суох тахсыбат. Кинилэр
ыытар элбэх сонуннаах суруктара үлэҕэ ситиһиилэри, биирдии-
лээн киһи кыайыытын, олохпут араас эргиирин уонна да атыны
баар кырдьыгынан кэпсииллэр.
И. С. Прудецкай 1926 сыллаахха Уус Алдан улууһун II Өлтөх
нэһилиэгэр Бэйдиҥэҕэ төрөөбүтэ. Аҕата Семен Иванович
1937 сыллаахха күн сирин сырдыгыттан арахсыбыта. Оттон
1942 сыл — Иннокентий Семенович олоҕун устата хаһан да ум-
нубат алдьархайдаах, ыар кутурҕаннаах сыла. Бу сыл олунньу-
тугар эбэтэ Маайыс эмээхсин ыалтан кутуу чэй, биирдэ тардар
табах көрдөһө баран иһэн, аччыга бэрдиттэн аара суолга тоҥон,
тыына быстаахтаабыта. Дьон бары ити кэмҥэ титирик сутукатын
сииллэрэ. Ыйга нуорма быһыытынан бэриллэр үс киилэ эбиэс бур-
дуктара ханна да тиийбэтэ... Ол астара, төһө да хос амтаннаа-
ҕын үрдүнэн, олус күндү буолара. Нэһилиэк үрдүнэн сутааһын
буолан, өтөх умуһаҕар уган, уончалыы киһини бииргэ көмөллөрө.
Иннокентий Семенович быраата Ньукуус, аҕыс-тоҕус сааһы-
гар сылдьар уолчаан, хонуу лууга — чочунаах ситиитэ, бэһиэ
буолан (икки кыыс, үс уол) күн аҥаарын устата Бытыгыччыма
алааска истэрэ тотуор диэри луугу сиэн баран, икки кыыс сыыр
үрдүгэр ситэ тахсыбакка, икки аҥыы сыыр быарыгар охтубуттар,
оттон үс уол утуу-субуу сыыр ортотугар охтуталаан хаалбыт-
тар... Эмиэ бу сыл атырдьах ыйын ортотугар Туйма үрэх куула-
тыгар баар «Истээх» диэн пиэрмэҕэ ыанньыксыттыыр, аччыктаа-
2 2 3