Page 223 - Иван Мигалкин. Сүрэхтэн саҕыллар санаалар
P. 223
Ырааҕы көрөн, дириҥи эргитэ иэҕэн, олус да күүстээхтик
суруллубут эбит бу хоһооно. Аҥаардас бу хоһоонтон Николай
Иванович олорбут олоҕо, айар үлэтэ, үөрүүтэ уонна хомолтото,
ыраах уонна күүстээх талтала аһаҕас күөнүнэн күлүмүрдүүр...
Кини Туйаарыматыгар — кэргэнигэр Зоя Ильиничнаҕа төһө-
лөөх сырдык сыдьаайдаах хоһоону ис сүрэҕиттэн анаабыта буо-
луой?
Ханна эрэ, хаһан эрэ
Самаан сайын үгэнигэр
Хатыҥ чараҥ сипсийэрэ,
Сылаас салгын илгийэрэ.
Уһун суһуох субуллара,
Долгун буолан бураллара,
Туналҕаннаах ньуурдаах кэрэ
Туйаарыма курдук этэ.
Зоя Ильинична поэт Николай Чуор кэргэнин, тапталын быһыы-
тынан итиэннэ поэт оҕолорун күн-күбэй ийэлэрэ буоларынан, бу
олох уратыларын этинэн-хаанынан биллэҕэ, поэт кэргэнэ буо-
луу — талааннаах поэт ураты тыыннаах эҥин-эгэлгэ эриэккэс-
тэрин, дьиктилэрин-дьээбэлэрин нарын санныгар уйан, намчы
дууһатынан ылынан, сылаас сүрэҕинэн бүөбэйдээн, эрдээхтик
тулуйан кэллэҕэ! Поэт үйэҕэ хаалларар талаанын кини таптала,
кэргэнэ кыра оҕолуу бүөбэйдиир, тылыннарар, өрүү күөҕүнэн чэл-
гийэр сибэккилии үүннэрэр, сайыннарар. Бу үрдүк эппиэтинэһи
Зоя Ильинична өрүү толоро сылдьарыттан үөрэбин, киниэхэ ис-
тиҥник сүгүрүйэбин. Ытыктыы санаан махтанабын.
Николай Иванович поэт да, киһи да быһыытынан атыттартан
сырдык санаатынан уратылааҕа. Олоҕун тиһэх күннэригэр диэ-
ри поэзия ыраас иэйиитинэн олорбута. Дьиҥ талааннаах поэт-
тар үтүө үгэстэринэн, билэр-билбэт дьонугар наар кэрэ санааны
алгыыра. Мин билсибитим тухары Николай Иванович кыыһыран
тымта сылдьарын хаһан да көрбөтөҕүм, хата, төттөрүтүн үөрүүнү
күүркэтэр ыраас майгылааҕын билбитим. Сунтаар кыргыттарын
айар үлэҕэ холонууларын поэзия киэҥ аартыгар бастакынан
таһаарбыт киһинэн Николай Ивановиһы ааҕабын. Дьэ ол да иһин
буоллаҕа, Сунтаар кыргыттара: Саргылаана Спиридонова, Сан-
даарыйа, Сайа, Суоһааны, Венера бэйэ-бэйэлэрин хатыласпат
талааннаах поэттарынан республикаҕа киэҥник биллэллэр.
Николай Ивановичтыын Москваҕа да, Дьокуускайга да анаан-
минээн сэһэргэспиппит эрээри, бэйэтин хоһооннорун туһунан тыл
быктарбат этэ, хаһан да кэпсээбэтэҕэ, наар атыттары хайгыыра.
Бу Николай Иванович талааннаах поэт уонна олоххо көрсүллэр
219
