Page 232 - Иван Мигалкин. Сүрэхтэн саҕыллар санаалар

лара. Оннооҕор мин диссертациябын суруйарбар улэм стилис-
тикатыгар эмиэ көмөлөспүтэ. Ол да иһин көмүскүүрбэр улахан
эрэйи көрсүбэтэҕим, барыта этэҥҥэ ааспыта.
Дьиэ кэргэнигэр, аймахтарыгар, аҕа табаарыстарыгар сыһыа-
на эйэҕэһэ, майгыта кэрэтэ биллэр. Ол кини төрөппүттэриттэн
утумнаабыт быһыыта-майгыта, сиэрэ буолуо. Аҕа табаарыста-
рын — суруйааччылары да, учуонайдары да хайаан да дьиэтигэр
сырытыннарар, ыалдьыттатар, күндүлүүр-маанылыыр эта.
Николай Дьокуускай Молдавиятыттан кэллэҕинэ, хайаан да
кини суруйааччы-табаарыстарын дьиэтигэр ыҥыран, бииргэ оло-
рон, кэпсэтэн-ипсэтэн, күндүлээн-маанылаан ааһарын сөбүлүүрэ
уонна онтон дуоһуйара.
Аҕатын дойдутугар Уус Алдан Тулунатыгар кэлиҥҥи 20 сыл
устата чугастык билсэн, араас тэрээһиннэргэ бииргэ үлэлэһэн
кэлбитэ. Ону тулуналар да сүрдээҕин да астыналлар, өйдүүллэр.
Оскуола да оҕолоругар, нэһилиэнньэҕэ да анаан араас хайыс-
халаах конференциялары («Төрүөбүт төрүт сирбит», Пушкиҥҥа,
Леонтьевка, Аммосовка аналлаах) тэрийсибитэ, учуонайдары,
суруйааччылары таһааран кытыннарара. Ону таһынан нэһилиэк-
кэ төрүт Лөгөй аатын төнүннэриигэ эмиэ көмөлөспүтэ.
Саамай истиҥ, бииргэ үлэлэспит дьонноруттан биирдэстэрэ
Раиса Терентьевна Аммосова этэ. Кинилэр сүрдээҕин тапсан,
таһаарыылаахтык үлэлээбиттэрэ. Иккиэн да идиэйэлэрэ элбэҕи-
нэн киһиттэн таһынан дьон этилэр. Бүгүн толкуйдууллар, сарсы-
ныгар былаанныыллар, өйүүнүгэр оҥорон дьон дьүүлүгэр таһаа-
раллар этэ. Ол тэрээһиннэрэ Ойуунускай аатынан Литератур-
най музейга барыта табыллан, өрө күүрүүлээхтик итии чэйдээх,
арыылаах алаадьылаах ааһара. Аны ханна эмит улуустарга
барыы буоллаҕына, Раиса Терентьевнаҕа этиэн, ыҥырыан эрэ
кэрэх, кини куруутун бэлэм, ээҕи эрэ кытта, 1—2 чааһынан хому-
нан айаҥҥа турунара.
Истиҥ дьонноруттан биирдэстэрэ Бараховтар дьиэ кэргэт-
тэрэ. Москваҕа тиийдэр эрэ Андрей Ярославовичтаахха (Иси­
дор Барахов сиэнэ) хайаан да сылдьара, билсэн-керсен кэлэрэ.
Манна куоракка Леонид уонна Людмила Бараховтары кытта ыкса
сибээстэһэрэ, дьиэ кэргэнинэн доҕордоһорбут.
Семен Титович, Мария Спиридоновна Руфовтааҕы кытта
биһиги ыал буолуохпутуттан ыкса билсэбит. Юрий өрүү кинилэр-
гэ сылдьан, төлөпүөнүнэн да кэпсэтэн сибээстэһэрэ. Хайа да
өттүлэриттэн араас сонуну истиһэллэрэ. Бэйэ-бэйэлэрин суох-
таһаллара. Бииргэ урут билсибит дьоно өрүү да суохтуур этилэр,
миигин көрүстэхтэринэ, кини туһунан өрүү истиҥник ахталлар.
2 2 8