Page 245 - Иван Мигалкин. Сүрэхтэн саҕыллар санаалар

таптыыр кыыстааҕын, кини Лида диэн ааттааҕын этэр буолара.
Лидаҕа анаабыт хоп курдук хоһооннооҕун миэхэҕэ биирдэ көр-
дөрбүтэ, бэл диэтэр, ааҕан иһитиннэрбитэ. Лиданы киһи быһыы-
тынан бары өттүнэн эргиччи хайгыыра, ис сүрэҕиттэн таптыыр,
ахтар буолан, истиҥ ытыктабылынан ааттыыра, саныыра.
Нарын-намчы иэйиинэн угуттаммыт маҥнайгы таптал... То-
лору сиппит күөх айылҕалыы ханнык да киһини абылыыр сүдү
күүстээх. Доҕорум Ылдьаа бастакы таптала — бэйэтин курдук
киһи үтүөтэ, сэмэйэ, доҕор-атас туһугар бэриниилээх Лида этэ.
Кинилэр эдэр сүрэхтэрин холбоон ыал буолбуттара, оҕоломмут-
тара. Уолларын Айылҕан диэн ааттаабыттара. Кэлин өссө оҕо-
лонон, ыал бэрдэ аатырбыттара. Доҕорум Ылдьаа өссө биир
уратытынан — бэйэтин тус олоҕун ыарахаттарын атыттар курдук
кэпсээн соҥнообото. Олоҕун-дьаһабын туһунан ыйыталастахха,
наар үчүгэйтэн атыны эппэтэ. Бэл, олоҕун тиһэх күннэригэр диэ-
ри ити этиитин ыһыктыбатаҕа.
Доҕорум Ылдьаа күлэрэ-үөрэрэ атыттартан аһара истиҥи-
нэн, сылааһынан мин өйбөр-сүрэхпэр өрүү баар. Кини олуһун
үөрдэҕинэ, харахтара «сабыллан» хаалара. Балтараа саастаах
Ванюша Мигалкин диэн соҕотох сиэним Ылдьааны наһаа сана-
тар. Кини эмиэ, Ылдьаа курдук үөрэн-көтөн мичилийдэҕинэ, ха­
рахтара «сабыллаллар». Киһи да маарыннаһар буолар эбитин
сөҕөбүн. Ол иһин сиэммин таптааммын «Кыракый Талланчык»
диэн ымманыйабын.
Ылдьаа бииргэ үөрэммит оҕолоро Петя Попов («Саха сирэ»
хаһыат кылаабынай редакторын солбуйааччы), Аита Шапош­
никова («Далбар хотун» кылаабынай редактора), Валя Долба-
раева-Сыроватская (милииссийэ полковнига), Аля Слепцова,
Маша Терехова («Ил Түмэн» эппиэттээх үлэһиттэрэ), Аля Фе­
дорова, Саргы Корнилова бары да Ылдьааны киһи быһыытынан
сөбүлүүллэрэ, эрэллээх эркин буолар доҕорунан ааҕаллара. От­
тон мин, Ылдьааны убайым курдук үрдүктүк сыаналыырым. Киһи
киэнэ үтүөтэ, сайаҕаһа, аһыныгаһа олус кылгас олоҕу олорон
барбытыттан ис сүрэхпиттэн курутуйабын.
Доҕорбут Ылдьаа суох буолуута — биһиэхэ барыбытыгар ум-
сугуйар олохпут тыйыс охсуутунан, сүрэхпитигэр-дууһабытыгар
хаһан да оспот ыарахан бааһы хаалларыынан буолар.
Лидалаах Ылдьаа ыччаттара дьон бэрдэ буоллуннар, кун
күбэй ийэлэрин Лиданы харыстаан илдьэ сырыттыннар диэн
баҕа санаалаахпын.
Илья Ефремович Сивцев туһунан ахтыылар. — 2007 с.

16-355 241