Page 246 - Иван Мигалкин. Сүрэхтэн саҕыллар санаалар

МАХТАП БАСТЫҤА БУОЛУОХТУН

Мындыр санаа кынаттанан, киһи-хара буолбуппар махталым
бастыҥа ананар дьонуттан биирдэстэрэ — бу кыракый кинигэ
ааптара Ахсаана Сонтуой. Кинилиин билсибитим быйылгы сылга
лоп курдук 40 сылын туолла. Олоҕум устата элбэх ахсааннаах
дьону кытта билистэҕим буолуо, олортон:
Саҥа хаар ып-ыраас —
Истиҥ сыһыан сып-сылаас, —
диэн ааптар бэйэтэ суруйбутунуу, Ахсаана Сонтуойга сыһыаным
өрүү истиҥ, кини сылаас, киһини тардар ыраас майгытыгар уба-
наммын, билэр, билбэт дьоммор наар үтүөнү эрэ түстүүр, кэрэни
эрэ кэрэхсиир буола иитиллэн, уһуйуллан тахсыбытым. Онон
күндүтүк саныыр учууталбар Татьяна Прокопьевна Аммосоваҕа-
Ахсаана Сонтуойга күн-дьыл тохтоло суох субуллан аастаҕын ах-
сын, истиҥ сыһыаннаах махталым өссө күүһүрэр:
Дьон үтүөтүн үксэтээччи —
Дьол үктэлин үрдэтээччи.
Оҕотук сааспыттан учууталым барахсан Татьяна Прокопьев­
на «дьон үтүөтүн үксэтиигэ» уһуйбута, «дьол үктэлинэн даба-
йыыга» үөрэппитэ мин тус олохпор олус туһалаабыта. Дьэ, ол да
иһин, Бүлүүтээҕи педучилищены бүтэрэн бараммын, баҕарбыт
баҕабын толорон, А. М. Горькай аатынан Литературнай институт
поэзияҕа отделениетыгар киирбитим. Егор Исаев, Лев Ошанин,
Сергей Смирнов, Андрей Дементьев, Евгений Долматовскай,
Лев Озеров курдук Сэбиэскэй Сойуус биллиилээх поэттарыгар
үөрэммитим. Кинилэри кэбэҕэстик ылыныыбар Татьяна Проко­
пьевна айар дьоҕурдаах, талааннаах педагог быһыытынан үөрэп-
питэ-такайбыта улахан төһүү күүһүнэн буолбутугар билиҥҥээҥҥэ
диэри нөрүөн нөргүйэн махтанабын.
Ахсаана Сонтуой суруйууларыгар киһи өйүгэр бэргэнник хата-
нар ох тыллар элбэхтэр. Холобур:
Махтанары сатаабат —
Мааны киһи аатырбат.
Эбэтэр:
Өйөбүл ылыы кэмнээх —
Өрө барыы сэрэхтээх.
Иккилии эрэ строкалаах хоһоону суруйуу илиҥҥи норуоттар-
га: Японияҕа, Кытайга, Кореяҕа тарҕаммыт көрүҥүнэн ааҕыллар
2 4 2