Page 272 - Иван Мигалкин. Сүрэхтэн саҕыллар санаалар

рабар бурдуктаах Намҥа кэлэллэр, онтон аҕам дойдутугар Үөдү-
гэйгэ киирэллэр. Ити кэннэ аҕам, маннык көс сырыттахпына са-
таныа суох диэн, дойдутугар дьиэ туттан олохсуйардыы оҥостор
да, син биир райком дьаһалынан дьиэтигэр-уотугар түптээх олоҕу
олорбокко, мин оскуоланы бүтэриэхпэр диэри Үөдүгэйгэ, Кэнтик-
кэ, Намҥа, Балаҕаннаахха, Өргүөккэ, Ороһуга отделение управ-
ляющайынан үлэлээбитэ. Аҕам оннук дьиҥнээх хомуньуус, 16 саа-
һыттан биригэдьииртэн саҕалаан 40 сыл тыа хаһаайыстыбаты-
гар олоҕун анаабыт партия бэриниилээх, эрэллээх саллаата этэ.
— Эн Муттуххай Борон, диэн бэрт дьикти псевдоним ылы-
нан биллэн эрэ$ин. Бу тыллар туох ис хоһоонноохторуй?
— Ити мин 050 эрдэҕинээҕи таптал аатым. Ону да оскуола­
ны бүтэрэр эрэ сылбар атын киһиттэн истэн билбитим. Кэлин
псевдоним быһыытынан ылынан баран, ийэбиттэн ыйыппып-
пын, оттон оҕону таптаан араастаан бары саҥаралларын кур-
дук ааттаатым ини эрэ диэбитэ. Ол гынан баран, 1999—2000 сс.
Уус Алдан улууһун кэрийэ сылдьан дьон хос аатын, ынах сүөһү,
сылгы уонна ыт ааттарын хомуйбуттаахпын. Онно дьиктитэ диэн,
оҕонньоруттан-эмээхсиниттэн тутулуга суох 85-тэн үөһэ саастаах
кырдьаҕастар эрэ, баҕар итэҕэй-итэҕэйимэ, холобур, бука бары
Муттуххай Бороҥ диэн ааппын хайдах өйдүүгүт диэтэхпинэ тута:
«Сытыы Киһи» диэн чопчу быһаараллара. Дьэ онон, арааһа, ити
сөптөөх быһаарыы быһыылаах.
— 0$о уонна эдэр сааскар хаһан да умнуллубат түгэнин,
туһунан билиһиннэр эрэ?
— Бастакыта — чоппууска. Кыра сылдьан, арааһа, оскуолаҕа
киириэм иннинэ этэ бадаҕа, эбэбин кытары хотоҥҥо ньирэйдэ-
ри аһатыһа киирэн баран, оонньооммун хотон тула чоппууска-
лары сырса сылдьаммын, алҕаска, хотон аанын саба охсоору,
биир эрэйдээҕи моонньуттан кыбытан кэбиспиттээхпин. Уонна ол
ап-араҕас, кып-кыра, сып-сылаас бэйэлээҕи ытыспар ылан имэ-
рийэ-имэрийэ аараттан аһыйан хата бэйэм өлө сыспытым. Эбэм
Сэлэбиччэ эмээхсин алҕаска ааҥҥа кыбыллан өллөйө дии, эн
манна туох да буруйуҥ суох, эрэйдээх дьылҕата буоллаҕа эҥин
диэн арааһы саҥаран убарыппыта быһыылааҕа. Илдьэҥҥин
олбуор таһыгар күлүккэ көмөн кэбис диэбитин, тиийэммин чыып-
паанынан дьаама оҕото хаһан уонна ол чыыппааммынан кылбаа
маҕан кириэс оҥорон соҕотоҕун олорон ытыы-ытыыбын харай-
бытым. Холбуу туппут ытыспар сып-сылаас ол чоппуускам ба-
рахсан төбөтө босхо баран хоҥкуйан сытара харахпар билигин
да субу көстөн кэлэр, өйбүттэн-санаабыттан хаһан да арахпат.
Ол түгэни олох умнубатым туһугар дьикти диэтэҕиҥ.
268