Page 306 - Иван Мигалкин. Сүрэхтэн саҕыллар санаалар

таллаабыта. Кэлин Табалаах нэһилиэгин дьаһалтатын баһылы-
гынан талыллан салайар үлэҕэ сылдьыбыта. Юрий Егорович
1980 сыллартан хоһоону суруйуунан утумнаахтык дьарыктанар.
Кини суруйуулара туе бэйэтин санаатын курдук ис киирбэхтэр:
Олох үөскүүр дорҕоонтон,
Дьикти долгун эйгэттэн,
Үөскүүр эбээт, ол онтон,
Иэйии кута дэгэттэн.
Хаһан баҕарар буоларыныы, элбэҕи аахпыт, билбит-көрбүт
киһи бэйэтин тулалыыр айылҕаны итиэннэ күннэтэ аалсар дьо-
нун-сэргэтин адьас атын хараҕынан көрөн, уустаан-ураннаан
мындырдаан ойуулуур идэлэнэр. Ол да иһин буоллаҕа, Юрий
Егорович «Билим» уопсастыба бэрэссэдээтэлинэн үлэлиир
сылларыгар дьааҥыларга сөбүлэппитэ, дириҥ ис хоһоонноох
тэрээһиннэри салайан ыыппыта, билиитинэн-көрүүтүнэн таһыма
улахан буолан, кырдьабаһы кытта кырдьабас, эдэри кытта эдэр
буолан, биир өйүнэн-санаанан салайтаран, уопсай сүбэни-аманы
холбоон, таһаарыылаахтык үлэлээбитэ.
Юрий Дьячковскай-Дьуур поэт буолууга дьулуһуутун, саха по-
эзиятыгар этинэн-хаанынан бэринэн тардыстыытын «Өбүгэлэр
оонньуулара» диэн тэттик хоһоонугар көрөбүт:
Хаһан эрэ ааспыт кэмнэр
Үрдүк хаардаах систэригэр
Саһан хаалбыт омооннор
Сэмээр тиллэн эрэллэр.
Өбүгэлэр оонньуулара —
Кэлэр кэскил күрэхтэрэ,
Өбүгэлэр үгэстэрэ —
Олохпут оҥкуллара.
Дьааҥы олохтоох поэта Юрий Дьячковскай-Дьуур бэйэтин
суруйууларыгар истиҥин курдук, олоҕун доҕоро, таптала Лариса
Николаевнаҕа сыһыана эмиэ Дьааҥы халлааныныы иһирэх. Ону
мин кинилэри кытта уонча сыллааҕыта билсибит буоламмын,
кинилэр бэйэ-бэйэлэригэр тапталлара ырааһын, чаҕылын өй-
дөөбүтүм. Лариса Николаевна кэргэнигэр Юрийга айар үлэтигэр
көмө-тирэх буолар. Кини иккис болдьоҕун Остуолба нэһилиэгин
дьаһалтатын баһылыгынан үтүө суобастаахтык үлэлии сылдьар.
Кыыстара Күннэйэ — ХИФУ омук тылын факультетыгар дьоппуон
тылын үөрэтэр устудьуон. Онон, Юрий Егорович дьиэ кэргэнигэр
күүстээх таптала поэзиятын кутаатыгар сыраллан, күүһүрэ, чэчи-
рии туруохтун! Үтүө алгыһым тиийиэхтин!
Айыл$а сор?ото — Киһи. — 2011 с.

302