Page 307 - Иван Мигалкин. Сүрэхтэн саҕыллар санаалар

АЙАР ҮЛЭ АПГЫСТААХ ААРТЫГЫНАН

Күндү ааҕааччы, урукку өттүгэр ситэ-хото билсибэтэх аап-
тарыҥ Александр Дунаев «Күннэтэ көстөр көрүдьүөстэр» диэн
тэттик кэпсээннэрин дуоһуйа ааҕыаҥ, истиҥник ылыныаҥ дии
саныыбын.
Киһи олоҕор араас түбэлтэ баар буолар. Ааспытын кэннэ са-
наатахха, олус көрүдьүөс түгэннэр. Олор хаһан да өйтөн-санаат-
тан сүппэттэр. Уустуга — ону сурук-бичик өҥөтүнэн ааҕааччыга
сатаан тириэрдии. Александр Дунаев дьэ итини кыайа-хото ту-
тан, туох да эбиитэ-сабыыта суох дьиҥ чахчы хайдах баарынан
дьоҥҥо сатаан тириэрдэр дьоҕурдаах.
Саха Республикатын Суруйааччыларын сойууһун чилиэнэ,
тыа улуустарын литературнай түмсүүлэрин уонна айар үлэҕэ
холонор ааптардарын кытта үлэҕэ хамыыһыйа бэрэссэдээтэлэ
Александр Дунаев «Эйэ, дьол туһугар», «Хамаҕатта — мин дой-
дум», «Суруйда көмүс куорсун», «Иккиэн ыллыыбыт», «Күн сири-
гэр уол оҕо төрөөн», «Ытыктааҥ, харыстааҥ ветеран дьоннору»,
«Уу уонна тиит» уо.д.а. поэтическай хомуурунньуктар, ырыан-
ньыктар ааптардара. Дэгиттэр дьоҕурдаах да буолан, кини саха
биллиилээх поэттарын хоһоонноругар 60-ча ырыаны айда. Ол
курдук, Андрей Кобяков «Собо» диэн хоһоонугар суруйбут ырыа-
та Саха сирин бары муҥхаһыттарын гимна буолла. Суон сурахта-
нар улахан муҥхаларга бу ырыа сылын аайы ылланар.
^ександр Григорьевич Нам педагогическай училищетын си-
тиһиилээхтик бүтэрэн баран, ытык иэһин толорон, Сэбиэскэй
Аармыйа кэккэтигэр чиэстээхтик сулууспалаабыта. Калин Хаба-
ровскайдааҕы государственнай педагогическай институт художе-
ственнай-графическай отделениетын бүтэрбитэ. Хамаҕатта орто
оскуолатын дириэктэринэн, төрөөбүт нэһилиэгин Сэбиэтин бэрэс-
сэдээтэлинэн, өрөспүүбүлүкэтээҕи норуот Айар дьиэтин фольклор-
га отделын сэбиэдиссэйинэн, СӨ Государственнай Мунньаҕын (Ил
Түмэн) хонтуруоллуур кэмитиэтин сүрүн специалиһынан үтүө суо-
бастаахтык үлэлээбитэ. Билигин Хамаҕатта нэһилиэгин баһылы-
гынан талыллан, нэһилиэнньэни араас уопсастыбаннай үлэҕэ-хам-
наска сатаан көҕүлүүр, тэрийэр, олохтоохторго өрүү сүбэ-ама буо-
ларынан дириҥник ытыктанар салайааччынан биллэр.
Александр Дунаев түөртүү строкалаах хоһооннору суруйуу-
нан утумнаахтык дьарыктаммыта балачча кэм буолла. Кылгас
кээмэйдээх хоһооҥҥо дириҥник этии киһи аайы кыаллыбат.
Маны поэттар үчүгэйдик билэллэр. Александр Дунаев киһи өйүт-
тэн умнуллубат хоһооннордоох:
303