Page 305 - Иван Мигалкин. Сүрэхтэн саҕыллар санаалар

Эдэргэр билиммэт
буолаҕын.
Эдэр саас тэҥэ суох
дьиктитин
Эдэргэр өйдөөбөт
курдуккун,
Эдэр саас санаата
дохсунун
Эдэргэр соһуйа
кербөккүн...
Ксения Маркова айар үлэтигэр ситиһиилэри баҕаран турам-
мын, кини бэйэтэ суруйбут хоһоонунан бу кылгас билиһиннэрии-
бин түмүктүүбүн:
Күн уота киһиэхэ барытыгар тэҥник тыгар,
Арай дьолу киһи араастаан өйдүүр...

Ис сүрэхтэн айыллыбыт хоһоонтон Ксения Маркова бэйэтин
сирдээҕи сэмэй дьолун буларыгар алгыыбын!
Таптыыртан кыбыстар буолума. — 2011 с.

ИЭЙИИ КУТА дэгэттэнэн

«Олоҥхо дойдутун айар түмсүүлэрэ» серия 2002 сыллаахха
«Бичик» кинигэ кыһатынан олохтонон республика ааҕааччыла-
рын сэҥээриитин ылбыта.
Манна, киэҥ-нэлэмэн Сахабыт сирин араас улуустарын айар
түмсүүлэриттэн, урукку өттүгэр республикаҕа биллибэтэх бастыҥ
эдэр ааптардар бастакы айымньылара бэчээттэнэллэр. Холо-
бур, ааспыт 2010 сыллаахха Тааттаттан «Араҥас сулус» уонна
Дьааҥыттан «Эчий» литературнай түмсүүлэрин холбоһуктаах
«Алгыстаах түһүлгэ» диэн кинигэлэрэ бэчээттэммитэ.
Бу кинигэҕэ Дьааҥы улууһун Остуолба бөһүөлэгэр олорор
Юрий Дьячковскай-Дьуур хоһоонноро ааҕааччы болҕомтотун
тарпыта. Кини Горнай улууһугар төрөөбүтэ, онно оҕо сааһа аас-
пыта. Оскуолаҕа үөрэнэр сылларыгар биир дойдулаахтара ини-
бии Даниловтар айар үлэлэригэр ис сүрэбиттэн сүгүрүйэн, эдэр-
кээн сааһа ааспыта.
1979 сыллаахха СГУ физико-математическай факультетын
ситиһиилээхтик бүтэрэн, физик идэтинэн Дьокуускайга, Горнай-
га, Үөһээ Халымаҕа үлэлээн, олох киэҥ аартыгар үктэммитэ.
1985 сыллаахтан Дьааҥы улууһун Остуолба нэһилиэгэр учуу-
301