Page 309 - Иван Мигалкин. Сүрэхтэн саҕыллар санаалар

нар поэттары барыларын кытта ыкса билсибит, кинилэр хоһоон-
норун элбэҕи аахпыт, кинилэрдиин ыкса бодоруспут үтүө-мааны
кэмнэрдээҕим. Холобур, Семен Петрович Данилов намыын куо-
лаһын билигин да истэн ылар курдукпун. Поэзия чыпчаалыгар
тахсыы — элбэх эндирдээх улэнэн тиксэрин литературнай уолу-
гар, миэхэҕэ, элбэхтэ такайара.
Вениамин Миронов сэмэйдик мичээрэ олорорун, Василий
Дедюкин сырдык күүстээх күүрээнин, Василий Саввин кими баҕа-
рар долгутар поэзиятын, бэйэлэрэ хоһооннорун ааҕалларын
харахпар бу баардыы керен ылабын. Онон Надежда Андросо-
ва-Айтылы кинилэр поэзияларын сөбүлээһинэ кини поэтическай
дууһалааҕын итиэннэ поэзияҕа сыстаҕаһын чопчу этэриттэн
үөрэммин бары ситиһиини алгыыбын!

Х а а р тыына. — 2013 с.

ИҺИРЭХ ИЭЙИИЛЭЭХ СЭҺЭННЬИТ

Поэзияны уонна прозаны сиэттиһиннэрэ хаамтарар ааптар
Александр Постниковтыын билсибитим номнуо уонтан тахса сыл
буолла. Кини айар үлэтин ис сүрэхпиттэн ылынан ааҕар буо-
ламмын, тыл дэгэтин дьиҥ чахчы баһылаабыт суруйааччынан
сыаналаан, Саха Республикатын Суруйааччыларын сойууһугар
чилиэнинэн ылыллара сөптөөх диэн, биһиги айар сойууспутугар
үөрүүнэн мэктиэлээбитим. Кэлин сылларга ыраах айаннарга би-
иргэ сылдьаммын, Александр Постников айар үлэтин итиэннэ
олоҕун чугастык билсибит курдук саныыбын.
Александр Федорович Постников-Сындыыс 1962 сыллаахха
от ыйын 3 күнүгэр чаҕылҕан чаэылыйар, этиҥ лүһүгүрүүр сар-
сыардатыгар Дьокуускайга устудьуоннар дьиэ кэргэннэригэр
төрөөбүтэ. Ол күн айбыт аҕата Федор Федорович Постников СГУ
саха тылын уонна литературатын салаатын бүтэрэр бүтэһик го-
сударственнай эксээмэнин туттарбыт. Эмиэ ити күннэргэ ийэтэ,
Баайаҕаттан төрүттээх, Клара Степановна Луковцева универси­
тет нуучча тылын уонна литературатын салаатын бүтэрэн, тыл
идэлээх учуутал төрөппүттэрэ Уус Тааттаҕа олохсуйаллар. Онон
Александр Постников төрөөбүт төрүт тыл биһигинэн аатырар
тардыы көмүс талахтаах Таатта үрэх дохсун сүүрүктээх Аллан
эбэҕэ түһэр үтүөкэннээх сиригэр оҕо сааһа ааспыта, уус-уран
тылга киһини өйдүү улаатыаҕыттан ылата уһуйуллубута.
20 - 355 305