Page 304 - Иван Мигалкин. Сүрэхтэн саҕыллар санаалар

гэр хаһан да аахпатах хоһооннорбун ааҕаммын, киһи диэн санаата
эриэккэһин, судургуну да иэҕэн этэр уратылардааҕын биллим:
Киһи тыла киһини —
Өрөгөй үрдүгэр көтүтэр
Күүстээх!
Киһи тыла киһини —
Өлүү үөһүгэр үтэйэр
Кыахтаах!
Оттон атын хоһооҥҥо маннык ис киирбэхтик этиллэр:
Сибэкки дьөрбөтүн кытары
Кэрэхсиир тылларгын этэҥҥин,
Дууһабар сырдыгы сыдьаайан
Сүрэхпэр үөрүүнү үксэттиҥ...
«Таптыыртан кыбыстар буолума» диэн бу хоһоон дьоҕус ки-
нигэтин ааптара Ксения Маркова Нам оройуонун I Хомустаах
нэһилиэгэр төрөөбүтэ. Дьокуускай куорат 20 №-дээх орто оскуо-
латын бүтэрэн, олох киэҥ аартыгар үктэммитэ. Идэтинэн мед-
сиэстэрэ. Талан ылбыт идэтинэн Уус Алдан Сыырдааҕын уонна
Мэҥэ Хаҥалас Төҥүлүтүн учаастактааҕы балыыһаларыгар үлэ-
лээбитэ. 1986 сылтан бүгүҥҥү күҥҥэ диэри ГУ НПЦ «Фтизиа­
трия» республикатааҕы диспансерыгар үтүө суобастаахтык үлэ-
лии сылдьар.
Ксения Маркова ис санаатын аһаҕастык арыйан, сүрэҕин кис-
тэлэҥин сэгэтэн, тугу саныырын, туохтан үөрэрин, хомойорун,
баҕа санаатын суруйбутуттан көрдөххө, саха дьахтарын бар-дьо-
нугар үтүө сыһыанын, киэҥ-холку майгытын, ыраас тапталын,
ханныкда кыһалҕаҕа бэриниилээҕин булан ааҕаҕын:
Эн истиҥ тапталгар эрэнэн,
Иһирэх иэйиигэр ылларан
Дьахтар буолан,
Оҕо төрөтөн,
Ийэ буолар дьолун билбиппэр,
Муҥура суох эйиэхэ —
Махтанар эбиппин.
Ханнык да бэйэлээх кэрэ сибэккини күннэтэ көрбөтөххө-бүө-
бэйдээбэтэххэ, кини хагдарыйар, кэхтэр. Дьэ, ол кэриэтэ, хоһоо-
ну саҥа суруйар дьону сэҥээрбэтэххэ, кинилэр айымньыларын
«мөлтөхтөр» диэн саба тарыйан сыаналаабатахха — киһи өйү-
гэр-санаатыгар хаалар хоһоону айыахтарын сөп диэн саныыбын.
Киһини кэрэхсэтэр хоһооннор Ксения Марковаҕа элбэхтэр.
Эдэр саас бэйэтэ
кэрэтин
3 0 0