Page 339 - Иван Мигалкин. Сүрэхтэн саҕыллар санаалар

тэххэ, былыр тоҕустуу куобаҕы хоһулатан, биир ытыынан өлө-
рөллөрө үһү. Этэргэ дылы, итэҕэй — итэҕэйимэ!
Дьааҥылар сүгэһэрдьиттэрин туһунан этэ да барыллыбат.
Бэйэм хаста да көрдүм. Баатаҕай культуратын дьиэтин дириэк-
тэрэ Николай Афанасьевич Томскай 25— 30 иһэ ылыллыбатах
куобаҕы балачча ыраах сиргэ сүгэн-көтөҕөн аҕаларын. Ол иһэн
мин 5 куобахпын уонна саабын тутабын дуо диирин. Сүүрбэтин
эрэ ааспыт эдэркээн бэйэлээх Эрэл Стручков 25 куобаҕы сүгэн
иһэн, эйиэхэ көмөлөһөбүн дуо диэбитин олох умнубаппын. Онно
санаабытым, булка эр киһи майгыта-сигилитэ, оҕо сааһыттан
иитиллиитэ хайдах баарынан арылларын. Оҕо саастарыттан бул­
ка сыстыбыт дьон, кини эрэйин-кыһалҕатын, эндирдээх сырыы-
ларын эт-хааннарынан билэр буоланнар, бэйэлэриттэн аҕа саас-
таах дьоҥҥо ытыктабыллаах сыһыаннаахтарын, көнө, чиэһинэй
майгылаах буолалларын.
Эр киһи дьиэтигэр-уотугар сыстаҕаһа, кэргэнигэр, оҕолоругар
таптала, эрэллээх буолуута булт имэҥигэр ылларыытыгар сүдү
оруолланар. Кини бултаан чугас дьонун үөрдэр, сырдык, сылаас
сыһыаны бэлэхтиир. Кыракый бэлиэтээһиммин Семен Данилов
хоһоонунан түмүктүүбүн:
Сахам сиригэр саас буолан,
Чалбах эрэ таҕыстар,
Утуйар ууларын умналлар
Мин доҕотторум — сааһыттар.
Салгыны аймыыр кынат тыаһа,
Булт тардыылаах имэҥэ
Эмиэ булчут дьону а^алар
Эҥин араас сирдэргэ.

Кыым. — 27.11.2008 с.

«МАЛГИННАР»ЧОРООНТОН сэдиптээн

Биэс уолун кыргыс толоонугар сүтэрбит Ф.Н. Малгина хай-
дахтаах курдук дириҥ аһыыны-кутурҕаны эт сүрэҕэр иҥэринэн
сылдьаахтаабыта буолуой? Күн сирин сырдыгын көрдөрбүт күн-
дү көмүс чыычаахтара төрөөбүт Ийэ дойдуларын көмүскэлигэр
аалай сырдык хааннарын тоҕон, эдэркээн олохторун Улуу Кыа-
йыы туһугар биэрдэхтэрэ.
Ханнык да сэриигэ элбэх хаан тохтуулаах, олохторун толук
ууран туран ситиһиллэр кыайыыны-хотууну эрэ аҥаардастыы су-
335