Page 338 - Иван Мигалкин. Сүрэхтэн саҕыллар санаалар

Миниистирдэрин Сэбиэтин бэрэссэдээтэлинэн, республика үбүн
миниистиринэн үлэлээбит бөдөҥ государственнай диэйэтэл
уонна биллиилээх суруйааччы В. А. Протодьяконов-Кулантай
үрдүк эппиэтинэстээх салайар үлэлэргэ да сылдьан, бириэмэ ат-
тарынан, Өлүөнэ өрүс арыыларыгар сүүһүнэн куһу, хааһы сууһа-
ран. өлгөмнүк бултуйбуттарын дневнигэр суруйбута баар.
Күннээх Молдавияттан ахтылҕаннаах Үөһээ Бүлүүтүгэр Нико­
лай Якутскай тиһэх төгүлүн күһүнүн кэлэ сылдьан, төрөөбүт-үөс-
кээбит алааһыгар киирээтин кытта, улахан сыгынах анныттан
бөдөҥ бэйэлээх куобах ойон тахсыбытын биир ытыынан охтор-
бутун туһунан ахталлар. Бу 80-нун лаппа ааспыт ытык кырдьаҕас
сылбырҕа туттуулааҕын, бэргэнник ытарын туоһулуур. Москваҕа
икки сыл бииргэ олорбут киһим, талааннаах прозаик Николай Га-
бышев хоту учууталлыы сылдьан хайдах хабдьылыырын, куска,
хааска сылдьыбытын, балыктыырын уустаан-ураннаан сэһэргиир
буолара.
Саха саҥалаах барыта таптаан ааҕар Эллэй поэт Сэргэлээ-
ҕин даачатыгар күннэтэ быччыыкаҕа илимнээн, мундуга туулаан,
ону бэйэтэ түргэн үлүгэрдик оһоххо сырдьыгынатан ыалдьытта-
рын күндүлүүрүн элбэх ахсааннаах доҕотторо, эдэр суруйааччы-
лар үөрэ-көтө ахталлара.
Үүнээйи эгэлгэтин. кыыл уонна балык арааһын, кинилэр олох-
торун-дьаһахтарын хайа да бэйэлээх зоолог, биолог учуонай-
дартан итэҕэһэ суох үчүгэйдик билэр киһинэн балыксыт, сааһыт
бэрдэ, сэриигэ пулеметчигынан сылдьыбыт буойун-поэт Бүөтүр
Тобуруокап буолар.
Бэйэм кэмим суруйааччыларыттан тайахсыттар эмиэ баал-
лар. Олор ортолоругар сылдьар сырыыларынан, кыайыгас-хо-
тугас эрчимнэринэн норуодунай суруйааччы Николай Лугинов,
Үөһээ Бүлүү поэта Василий Харлампьев-Хара Лааҥкы, Дьаакы
поэта Виктор Стручков хастыы эмэ тайа^ы бултаабыт дьонунан
ааьыллаллар. Туе бэйэм кэлин уон сылга куска, куобахха, балык-
ка сылдьа сатыыбын.
Быйыл Дьааҥы Боруулаах нэһилиэгин Токума диэн кыракый
бөһүөлэгин Ыҥкаа диэн сайылыгын тыатыгар 454 куобаҕы тохсуо
буоламмыт бултаатыбыт. Үһүс күммүтүгэр ботуруоммут бүтэн
устууканан үллэстии буолтугар, поэт Виктор Стручков тиһэх
уон ботуруонунан 12 куобаҕы. онтон Санкт-Петербургдааьы ки­
нематография институтун дьааҥылартан бастакы выпускник
Александр Слепцов хаалбыт биэс ботуруонунан 6 куобаҕы өлө-
рөн биһиги курдуктары сөхтөрдүлэр. Үһүйээн тамаҕынан иһит-
334