Page 337 - Иван Мигалкин. Сүрэхтэн саҕыллар санаалар

Кыра кыыстара Галина (1961 сыллаахха кулун тутар 7 күнүгэр
төрөөбүтэ) экономическай наука кандидата.
* * *
Монголия киин куората Улан-Баторга 2007 сыллаахха
ыам ыйыгар ССРС космонавт-летчига, Сэбиэскэй Сойуус икки
төгүллээх Геройа, генерал-майор Горбатко Виктор Васильевиһы
уонна Монголия бастакы космонавт-летчига, Сэбиэскэй Сойуус
уонна Монголия Геройа, Монголия аармыйатын генерала Ж. Гур-
рагчаны (кини 1981 сыллаахха Джанибеков Владимир Алексан-
дровичтыын кулун тутар 22 күнүттэн 30 күнүгэр диэри «Союз-39»
космическай хараабылынан 7 суукка 20 чаас 42 мүнүүтэ уста-
та көппүттэрэ) кытары билсибитим, итиэннэ 2008 сыллаахха
бэс ыйын 5 күнүгэр ССРС космонавт-летчига, Сэбиэскэй Сойуус
икки төгүллээх Геройа, техническэй наука дуоктара, авиация
генерал-полковнига Климук Петр Ильиһы кытта В. В. Горбатко
уонна Ж. Гуррагча Москватааҕы Искусство үлэһиттэрин Киин
Дьиэтигэр билиһиннэрбиттэрэ. В. В. Горбатко уонна Ж. Гуррагча
илиилэриттэн Российскай Федерация уонна Монголия доҕор-
доһууларын обществотын мэтээллэринэн наҕараадаланан ту-
рабын.

БУЛТ АБЫЛАҤА СУРУЙУУ КУРДУК ИМЭҤНЭЭХ
(Саха суруйааччылара булт имэцигэр ылларыылара)

Норуодунай поэт Семен Данилов эрдэтээҥҥи хоһоонноругар
биирдэстэригэр суруйан турар:
Төрөөбүтүм булчут, отчут
Кэнэн саха ыалыгар.
Аҕам курдук чулуу булчут
Буола Өктөөп сылыгар.
Кырдьыга да, саха бастакы суруйааччылара бары да булт
үлүскэн үөрүүтүн, күүстээх абылаҥын билбит дьон. Семен Дани­
лов эт саастыылааҕа, бэйэтин кэмин уһулуччулаах лиирик-поэта
Баал Хабырыыс адьас оҕо сааһыттан куобахха туһахтаан, сохсо-
лоон, куска тиргэлээн дьарыктаммыта биллэр. Амма Аччыгыйа
уонна Күннүк Уурастыырап улуу Ойуунускайдыын сааскы куска
Дьокуускай аттынааҕы күөллэринэн хайдах сылдьыбыттарын
туһунан ахтыылар бааллар.
Саха АССР Үрдүкү Сэбиэтин Президиумун уонна Саха АССР
333