Page 342 - Иван Мигалкин. Сүрэхтэн саҕыллар санаалар

Прасковья Васильевна ыраахтааҕы былааһын кэмигэр, өссө
революция иннинэ үөрэммит буолан, сурукка-бичиккэ сыстаҕаһа.
Ымпыктаан-чымпыктаан, элбэҕи сэһэргээн суруйары сатыыра.
Бүлүүгэ педучилищеҕа уонна Москваҕа литературнай институкка
үөрэнэр сылларбар кини олус үгүһү сэһэргиир бэрт интэриэһинэй
ис хоһоонноох суруктарын элбэҕи туппутум. Оҕотук дууһабар сы-
лаастык бүөбэйдээн илдьэ сылдьар күүстээх ахтылҕаммын кини
суруктарынан таһаарарым, харахпар тапталлаах Муру алааспын
бу баардыы керер курдугум.
Бастаан Прасковья Васильевнаттан иһиттэҕим, кини биһикки
төрүппүтүгэр — Бороҕон улууһун кулубата, Степной Дума кылаа-
бынай родоначальнига Иван Емельянович Мигалкиҥҥа (1767—
1832 сс.) нуучча улуу А. С. Пушкин лиссиэйдээҕи доҕоро, кэлин
адмиралга тиийэ үүммүт Федор Федорович Матюшкин 1820 сыл-
лаахха Мүрү алааска кэлэн, икки күн улаханнык мааныланан, хо-
нон-өрөөн, сынньанан барбытын. Эмиэ ити кэмҥэ кэлин нуучча
биллиилээх айанньыта, адмирала буолбут Фердинанд Врангель
Сибиир хотугу биэрэктэрин уонна Муустаах муора арыыларын
чинчийэр сыаллаах Петербургтан тилэх баттаһа кэлэн, ыйтан ор-
дук кэмҥэ олорон, саха дьонунуун үчүгэйдик алтыһан, чугастаа-
ҕы сири-уоту, Мүрү алааһы үөрэппит, чинчийбит.
Прасковья Васильевна суруйан хаалларбыт ахтыытыттан
көрдөххө, 1924 сыл ыам ыйын 18 күнүгэр Мүрү Томторугар Бо-
роҕон улууһун дьахталларын бастакы тэрээһин мунньаҕа буол-

Ини-бии Мигалкиннар
338