Page 341 - Иван Мигалкин. Сүрэхтэн саҕыллар санаалар

кини хорсун быһыытын үтүө холобур оҥостон бу үлэни айбыта.
«Малгиннар» чороон атыыга анамматах буолан, уонча устуука
иһинэн буолуохтаах. Олортон биирдэстэрин Суорун Омоллоон
Чөркөөхтөөҕү музейыгар бэлэхтээбиппит. Биири эн убайгар Ни­
колай Васильевич Мигалкиҥҥа чугас быраатым буоларынан мин
бэлэхтээбитим, — диэн.
50 сааһын саҥардыы туолаат, бииргэ төрөөбүт убайым
Н. В. Мигалкин оттуу сылдьан, чаҕылҕаҥҥа оҕустаран, 1998 сыл-
лаахха хомолтолоохтук суох буолтун кэннэ, кини кэргэнэ, педа-
гогическай үлэ бэтэрээнэ В.Н. Осипова: «Убайгын өйдүү сырыт,
үтүө өйдөбүл буолуохтун», — диэн бу чороону миэхэ биэрбитэ.
Манна даҕатан эттэххэ, улуу муосчут Т.В. Аммосов «Малгин­
нар» чороонуттан ураты мин кэллиэксийэбэр кини «Ыһыах оон-
ньуулара» фарфоровай чорооно, баара-суоҕа 2 эрэ ахсаанынан
оҥоһуллубут «Табалаах киһи» диэн муостан үлэтэ (биирдэстэрэ
Япония Осака куоратын мэригэр баар), эдэр сааһыгар оҥорбут
муос уктаах, муос хаалаах быһаҕа бааллар. Ханнык баҕарар
кэмҥэ олорбут муосчуттар үлэлэрэ — искусство айымньыла-
ра, история кэрчиктэрэ буолалларынан ураты сыаннастаахтар.
Т.В. Аммосов бэйэтэ сэриигэ кыттыбыт буолан, сэриигэ сыһыан-
наах үлэлэрэ дириҥ толкуйу үөскэтэллэр, кыргыс толоонугар ох-
тубуттары үйэтитэллэр.
Малгиннар тыыннаахтар. — 2005 с.

ЭДЬИИЙИМ I СЪЕЗД ДЕЛЕГАТА ЭТЭ

Нууччалыы, сахалыы биир тэҥ ыраастык саҥарар, ону таһы-
нан суруксут бэрдэ Прасковья Васильевна Мигалкинаны адьас
кыра сааспыттан билэрим. Кини 1907 сыллаахха аатырар-су-
раҕырар Мүрү алааска төрөөбүт. Эдэригэр, күөгэйэр күнүгэр,
билиигэ-көрүүгэ, кэрэҕэ-сырдыкка тардыстар сытыы-хотуу, кэл-
бит-барбыт, түргэн туттунуулаах, ханнык да үлэни кыайа-хото
тутар майгылааҕа эбитэ үһү. Ол да иһин буоллаҕа, сэбиэскэй
былаас бастакы сылларыгар, төһө да кыра үөрэхтээх буоллар,
саҥа былаас ыытар үлэлэригэр көхтөөхтүк тардыллан барбыт.
1921—23 сс. Бээрийэ, Сыҥаах нэһилиэктэригэр улахан дьону
үөрэхтээһин пууннарыгар, нэһилиэк ревкомнарыгар сэкирэтээ-
ринэн үлэлээбит. Бэйэтин үөрэҕэ — Томтордооҕу церковнай-при-
ходскай уонна улуус миссионерскай оскуолалара.
22 - 355 337