Page 29 - Иван Мигалкин. Сүрэхтэн саҕыллар санаалар

дум. Кэпсэтиибитин саҥата суох истэн турбут худуоһунньуктар-
тан ордук кыбыһынным. Санаабар, «Баэайы, чолопоос...» диэх-
тэрэ диэн.)
Семен Петрович тигэн баран миэхэҕэ көрдөрдө:
— Киһини баара-суоҕа биир тимэҕин тигиитинэн сыаналыах-
тарын сөп. Хаһан да эр киһи көстүүмүгэр, эбэтэр тас таҥаһыгар
тимэхтэрин сабын курдаттыы таһааран тикпэттэр. Ону хата, өй-
дөөн кэбис, оҕонньор бириинчигэ диэҥҥин өһүргэнимэ. Киһи буо-
лар киһи — эргиччи бэйэтин көрүнүөхтээх. Бэл кыра бытархайга
тиийэ.
Бу миэхэ хаһан да умнуллубат уруок буолбута. Кэлин араас
үрдүк таһымнаах салайааччылары уонна республикаҕа киэҥник
биллэр дьон бинсээктэрин, улахан сииһит дьахтардыы, уора-көс-
тө бэлиэтии көрөр идэлээхпин... (Норуодунай поэт Петр Тобуруо-
кап биирдэ оонньуу-күлэ кэриэтэ этэн турардаах: «Поэт диэн —
сииһит дьахтардааэар өссө сииһит буолуохтаах», — диэн. Маны
үтүө өйдөбүлүнэн сыаналаатахха, олус бэргэн этии. Поэт, киһи
киэнэ кыраҕыта, нарыны, кэрэни сатаан арааран көрүөхтээҕин,
туохха барытыгар болҕомтолоох буолуохтааҕын этэр.)
Бэйэм төбөбөр эрэ тутар статистикабынан республикаҕа киэҥ-
ник биллэр эр дьон 80 бырыһыаннарыгар тимэхтэрин саба кур­
даттыы буолан хомотор... (Бинсээктэригэр эбэтэр сонноругар.)
* * *
1976 сыл олунньу 23 күнүгэр сарсыарда П. Н. Тобуруокап-
тыын сквергэ олоро түһэн баран, Семен Петрович сынньана сы-
тар Переделкино диэн суруйааччылар айар даачаларыгар эбиэт
кэннэ тиийбитим, хоһугар суох эбит. Онон төннөрбүн дуу, күүтэр-
бин дуу мунааран турдахпына, сааһырбыт, билбэт икки киһим
бэлиэтии көрөн: «Семен Петровичка кэлбиккин быһыылаах,
биһигини батыс», — диэтилэр. Бэйэлэрэ күлсэллэр: «Бачча эдэр
киһини муннарбат инибит», — дэһэн.
Таһырдьа тахсан, үһүөн субуруһан ойдом турар туспа дьиэҕэ
киирдибит. Иккис этээскэ Киргизия норуодунай поэта Суюнбай
Эралиевтыын Семен Петрович сэһэргэһэ олороллор эбит. Суюн­
бай Эралиев, миигин көрөөт, тута биллэ. Урут Леонид Андреевич
Попов билиһиннэрэн турар. Семен Петрович тас көрүҥэ төһө да
мөлтөх курдугун иһин, онтун биллэрбэккэ буола сатыыр... Били
аргыстарым ааттара: Гилемдар Зигандарович Рамазанов — баш­
кир норуотун аатырбыт поэта, литературоведа. Онтон иккиһэ —
Ибрагим Абдуллин. Кинилэр Сэбиэскэй Аармыйа күнүн бэлиэтии
25