Page 72 - Иван Мигалкин. Сүрэхтэн саҕыллар санаалар

тыын кэпсэттэхпит буолуо, ол гынан баран кини хаһан даҕаны
санныбыттан кууһан туран кэпсэтэ илигэ. Бу сырыыга кини аан
бастаан кууһан ылбыта, оннук куустаран тураммын кэпсэппи-
тим. Долгуйбутум... Кини дойдутугар Горнайга сылдьыбыппын,
Мытаахха Семен Данилов музейын көрбүппүн, онно киниэхэ
анаабыт хоһоонум (төрөөбүт оройуонум «Ленинскэй тэрийээч-
чи» хаһыатыгар бэчээттэммит) музейга киирээккин кытта, аан
таһыгар баар остуол өстүөкүлэ тааһын анныгар сытарын, Горнай
үгүс дэриэбинэтин кэрийбиппин кэпсээбитим. Софрон Петрович
арахсарыгар: «Этэҥҥэ сырыт, добоор», — диэбитин алгыс кур-
дук ылыммытым. Бу үөрүүбүн кэргэммэр тута кэпсээбитим. Соф­
рон Петрович курдук улахан суруйааччыттан куустарыы — миэхэ
дьол этэ. Дьиҥэр, бу тиһэх көрсүһүүбүт буоларын мин хантан би-
лиэмий?!
Кини үтүө, үйэлээх алгыһа тиийэн буоллаҕа, ити дьыл ба­
лабан ыйын 12 күнүгэр 9x9 иэннээх сахалыы балабаны 20 хонук
устата туттаран, эргэ балыыһа дьиэтин олоччу өрөмүөннэтэн
В. А. Протодьяконов-Кулантай аатынан Литературнай музей-ком­
плексы кэргэмминээн үөрүүлээх быһыыга-майгыга астарбыппыт.
Бороҕонтон бэрт чугас баар Чараҥ бөһүөлэгэр аһыллыбыт Лите­
ратурнай музей-комплекс улуу Ойуунускай төрөөбүтэ 100 сылын
бэлиэтиир кэрэ-бэлиэ сылга анаммыта. Биһиги музейбыт аһыл-
лыытыгар 140-ча ыалдьыт араас оройуоннартан кэлбитэ. Саха
Республикатын үбүн миниистирэ Владимир Ильич Птицын музей
салгыы сайдарыгар көмөлөһөр санаалааҕын эппитэ. Кини сала-
йар министиэристибэтэ билигин В. А. Протодьяконов-Кулантай
аатынан Литературнай музей-комплексы кытта шефтэһэн үлэ-
лиир. Республика үбүн миниистирэ В. И. Птицын үтүө көмөтүн
иһин Уус Алдан олохтоохторун истиҥ махталларын ылыан ылар.
Саха норуодунай суруйааччыта Софрон Петрович Данилов-
тыын тиһэх көрсүһүүм мин өйбүттэн-санаабыттан хаһан да ум-
нуллуо суоҕа. Кини сырдык олоҕо, үйэҕэ хаалларбыт суруйуула-
ра кэнчээри ыччаты кэрэбэ, үтүөбэ өрүү угуйа туруохтара диэм-
мин бук эрэнэбин.
Софрон Петрович төрөөбүт норуотун олобун-дьаһабын, билэр
дьонун-сэргэтин, дойдутун сайдыытын, искусствотын, литерату-
ратын туһунан туту санаабыта түмүллэн оҥоһуллубут, быйылгы
1995 сыл сайыныгар бэчээттэнэн тахсыбыт «Санаам туймуула-
ра» диэн кэпсээннэрин, бэлиэтээһиннэрин, ойуулааһыннарын ки-
нигэтин олус тартаран, умсугуйан туран аахтым.
Манна кини төрөөбүтэ 70 сааһын бэлиэтиир үбүлүөйдээх
киэһэтигэр эппит «Дьоллоох буолуҥ, бар дьонум!» этиитэ баар:
68