Page 74 - Иван Мигалкин. Сүрэхтэн саҕыллар санаалар

лантай саха литературатыгар эмиэ ураты суолу-ииһи ама хаал-
ларбатахтар үһү дуо?!
Горнай улууһун олоҕун-дьаһаҕын кытта чугастык билсиһии-
бэр оҕо эрдэхпинэ үҥкүү кэрэтигэр уһуйбут учууталым, 500 экспо-
наттаах чааһынай музейы 1991 сыллаахха аспыт Гаврил Ильич
Александров, эйэҕэс майгылаах, ис-иһиттэн үрдүк кулыуралаах
улуус дьаһалтатын баһылыгын солбуйааччы Николай Петрович
Сидоров итиэннэ кини төрөппүттэрэ: дьиэ хаһан да бүппэт түбү-
гүнэн өрүү үлэлии-хамсыы сылдьар ийэтэ, мааны майгылаах
Ульяна Николаевна Платонова, сытыары-сымнаҕас Петр Ивано­
вич Сидоров, Маҕарас оҕо уһуйаанын сэбиэдиссэйэ Мария Тро­
фимовна Ноговицына, «Сүрэхтэн кутуллар дорҕооннор» кинигэ
ааптара, киэҥник биллэр мелодист Данил Данилович Санников
уо.д.а. үтүөлээхтэр-өҥөлөөхтөр.
Горнай улууһугар сылдьаммын олохтоох ааптар Александр
Тарасов «Ыра санаам ыллыгар» уонна Иван Горнай «Мин кере-
бүн сүрэхпинэн», «Араас сыллар, араас тыллар...» диэн хоһоон-
норун кинигэлэрин кэрэхсии ааҕыталаатым.
Манан этиэхпин баҕарабын: Горнай улууһугар саха литерату­
ратыгар сыстаҕас дьон кэккэтэ улаатан иһэр диэммин. Ини-бии
Даниловтар үөскээбит дойдулара — Мытаах, сирдиин-уоттуун
үтүө, кэрэ да буолан, бэйэтин ситэн силигилээбит баай айылҕа-
тыныы, бөдөҥ талааннары үөскэттэҕэ!

1995 с., Тойон Мүрү

ҮРҮҤ КҮННҮҮН ҮҤКҮҮЛЭҺЭР поэт

Мин көлүөнэм оҕолоро оскуолаҕа үөрэнэ сылдьаммыт тап-
таан ыллыыр ырыалаах этибит. Ол ырыа тыллара күүстээх,
эрэллээх доҕордоһууну туойаллара итиэннэ биһиги курдук эдэр
ыччат үөрүүбүтүн да үксэтэрэ, үлэбитин-хамнаспытын да чэпчэ-
тэрэ, күүркэтэрэ...
Доҕордуу дьоҥҥо
Ыарахан чэпчиир,
Ыраах да чугаһыыр,
Ким хорсун доҕордоох —
Ол дьоллоох!
Норуокка киэҥник тарҕаммыт бу «Доҕордоһуу тойуга» диэн
ырыа ааптарынан саха талааннаах поэта Петр Тобуруокап буо-
70