Page 76 - Иван Мигалкин. Сүрэхтэн саҕыллар санаалар

Эн момент поэтаҕын. Туту соһуччу көрбүккүн ону суруйаҕын. Ди-
риҥэтэн, иэҕэн, эрийэн-мускуйан эппэккин. Омук ааттаахтарын
кытта күннэтэ бииргэ куустуһа сылдьаҥҥын ону баҕас этиэххин,
оҥоруоххун, чочуйа түһүөххүн сөп эта да, дьэ көтүмэх уолчаан
буоллабыҥ! Хоһоону киһи булгуччу ааҕыллар, булгуччу наада-
лаах диэн суруйуохтаах. Онтон бэйэм туспунан эттэххэ, үчүгэй
суруйааччы буоларбар аны уонча сыл наада, аахпатаҕым, бил-
бэтэҕим элбэҕэ бэрт. Европейскай поэзияны (Байроны, Шекспи-
ри уо.д.а.) сурах хоту истэбин. Омук тылын билбэтим куһаҕана
сүр. Эйиэхэ, Литинститукка чулуу профессордарга үөрэнэргэр
ымсыырабын эрэ. Үөрэниэм этэ, эн буолбут киһи баар ини!»
Олунньу 23 күнэ, 1976 с. Петр Николаевиһы Сэбиэскэй Аар-
мыйа күнүнэн эҕэрдэлээтим. Кини хоһуттан тахсан килиэп атыы-
лаһа бараары турар эбит. Мин эмиэ маҕаһыыҥҥа сылдьар наада-
лаахпын эттим. Бииргэ барар буоллубут. Кини килиэп атыылаһар
кэмигэр мин биир иһит «Ркацетели» атыылаһан хоонньубар угун-
нум. Киһим хараҕа мөлтөх буолан, өйдөөн да көрбөккө хаалла.
Суолбутун туораан, сквергэ киирээт да эттим: «Петр Николаевич,
Эн сэриигэ сылдьыбытыҥ дии. Бүгүн Сэбиэскэй Аармыйа күнэ.
Бэлиэтиэххэ эрэ.»
— Дьэ, сатана киһитэҕин, маҕаһыыҥҥа этиэҥ этэ буоллаҕа,
атыылаһарым хаалбыт. Эн төнүн, мин манна күүтүөм, хас сол-
куобай нааданый?
— Петр Николаевич, хоонньубар биир иһит баар. Ити ыска-
мыайкаҕа олоруохха.
Балачча ер олордубут. Петр Николаевич хаһан да сэриигэ
сылдьыбытын туһунан кэпсээбэт бэйэтэ бүгүн тоҕо эрэ ис дууһа-
тыттан арыллан туран аҕынна. Онтон туту өйдөөн хаалбыппын
суруйабын:
«Сэрии саҕаланыытыгар бэйэм оройуонум Тойоку ситэтэ суох
орто оскуолатыгар дириэктэр этим. 1942 сыл партия райкомун
уонна райисполкомун бэрэстэбиитэлин быһыытынан Туобуйа
диэн сиргэ ыыппыттара. Бу сүүрбэ көстөөх сиргэ атынан тах-
саммын, 42 киһини аармыйаҕа хомуйан киирбитим. Ол киирэр-
бин кытта миэхэ бэйэбэр бэбиэскэ туттарбыттара. Онон хомуйан
киллэрбит дьоммун кытта бииргэ 1942 сыл бэс ыйын 22 күнүгэр
аармыйаҕа барсыбытым. Ураллааҕы станцияйа тиийиэхпитигэр
диэри миигин рота политругунан үлэлэппиттэрэ. Миигин пуле-
метнай батальоҥҥа анаабыттара. Үс ый туйгуннук уерэнэммин
«Максим» станковой пулемету баһылаабытым. Бастакы нүөмэр-
дээх наводчик буолбутум. Сталинградскай фроҥҥа атаарыллы-
бытым. Күнүн чуолкай билбэтим, үксүн сатыы айаннаан, балаҕан
72