Page 157 - Өксөкүлээх Уола 2009 223стр

дыкка тардыһарга угуйара. Ол буоллаҕа, олох уһун суолун
маҥнайгы хардыылара.
Кэлин Алма-Атаҕа, үөрэнэ сылдьан, Реас Алексеевичтан
аҕатын Алексей Елисеевич хаартыскатын ылан улаатыннаран
аҕалбытым. 4-с курска үөрэнэ сылдьан Алексей Елисеевич
хаартыскатынан курсовой үлэбин портрет-бюст оҥорбутум.
Ол кэнниттэн дипломнай практикабын бара сылдьан, Чы-
чымахха саас кулун тутар ый бүтүүтүгэр кэлэн, кэлин олор-
бут «Лөҥкө» дьиэтигэр иккистээн Алексей Елисеевич бюст-
портретын саҕалаабытым. Онно Реас Алексеевиһы ыҥыран
киллэрэн, скульптурнай портреты хайдах оҥорору көрдөр-
бүтүм. Улахан скулъптураны, монуменнары, пааматынньык-
тары хайдах оҥороллорун истэн олус да сөхпүтэ. Алексей
Елисеевич портретын майгыннатаары Реас Алексеевиһы на-
турщиктатан эргитэ сылдьан оҥорорбуттан үөрэн күлэр да
этэ «мошуоктаах да үлэ эбит!» диэбитэ. Портрет бүтүүтүн
саҕана «Бу Төттөй» диэн саҥа аллайбыта.
Сайыҥҥы сынньалаҥ кэмигэр Учайынан, «Көрдөрүү-
лээҕинэн», Арҕаа эбэнэн, Хаадьыманан куһу-куобаҕы, балыгы
бултуу төһөлөөх сылдьыбыппыт, ол тухары кини кэпсээн-
нэрин, номохторун, сүбэлэрин хаста-хаста истибиппит буо-
луой! Билигин Реас Алексеевич самнайбыт ампаар иһигэр,
мас олбоххо олорон, табахтыы, уруккуну-хойуккуну-ырыта
олорорун бу баар курдук саныыбын.

УЧУУТАЛЫМ
Михаил Нелтанов

Уус Амма нэһилиэгин оҕолоро Чымнаайы 4 кылаастаах
оскуолатын бүтэрэн баран, Чычымах 7 кылаастаах оскуола-
тыгар үөрэнэ барарбыт. Оччолорго, сэрии кэннинээҕи ас-
таҥас мөлтөх, кэмчи кэмигэр, оҕо айаҕын биэрэн туран, ыал-
ларга дьиэлиир этилэр. Миигин 1949—50 үөрэх дьылыгар
ийэм, Нелтанова Анастасия Федотовна, Чычымахха бииргэ
төрөөбүт убайыгар Афанасьев Егор Федотовичка илдьэн дьи-
элээбитэ. Ол дьыл ыйтан ордук үөрэнэн баран, иһим ыал-
дьанрдойдубар төннөн кэлбитим. Эһиилигэр, 5-с кылаастан
салгыы үөрэнэн, 7 кылааһы 1953 сыллаахха бүтэрбитим.
Бүтэһик сылбар интернакка ылбыттара. Оччолорго оскуола
директорынан Николай Романович Мальппев үлэлиирэ. Учуу-
талларбыт — Георгий Романович Малышев, Владимир Куп-
риянович Афанасьев, Вера Василъевна Васильева, Реас Алек-