Page 160 - Өксөкүлээх Уола 2009 223стр

Оттон Реас Алексеевичтан наһаа дьулайар этим, ол кини
суостааҕыттан буолбатах. Мин көрдөхпүнэ, наһаа кытаанах
харахтаах уонна саҥата суох. Билигин өйдөөтөххө, кытаанах
да буолбатах, санньыар харахтар буолуо, төһөлөөх санааҕа-
онооҕо, дууһа тууйуллуутугар сылдьыбыта буолуой!
Татьяна Паповна наһаа үтүө санаалаах, минньигэс астаах,
дьаһаллаах, саталлаах хаһаайка буолан, учуутал кыра хам-
наһыгар итиччэ улахан кэргэни аһатан-таҥыннаран аҕаллаҕа.
Оҕолор, улаатан эрэр дьон төһөлөөх таҥаһы алдьатан, этэр-
бэһи кэһэн эрэллэрэ буолуой! Ону барытын Татьяна Па-
повна саҥата-иҥэтэ суох сылдьан хааччыйар этэ.
Реас Алексеевич үчүгэй булчут этэ, ынахтара өрүү биир
эрэ, оҕолорго үрүҥ ас эрэ наадатын толуйар гына. Уоннаа-
ҕытын тыаттан аһаан олороллор. Сайынын сир астаан,
күһүнүн-сааһын бултаан. Реас Алексеевич онно оҕолорун ил-
дьэ сылдьар, булка — уолаттарын кытта, сир аһыгар — бары
күргүөмүнэн.
Дьэ ол кинилэргэ олорор кэммэр саамай кэтэһиилээх
кэммит киэһэ буолар. Орону оҥостон сыппыт кэннэ, дьэ,
Реас Алексеевич кэпсээнэ саҕаланар. Ол кэпсээн көннөрү
остуоруйа-таабырын эрэ буолбат, араас омук суруйааччыларын
кинигэтин кэпсиир. Мин билиҥҥээҥҥэ диэри өйдүүбүн,
«Оводы», «Граф Монте-Кристоны» кэпсиирин. Онтон сиэт-
тэрэн улаатан баран, классиканы ааҕар буолбутум.
Кэлин 5-7 кылаастарга аны Реас Алексеевичка үөрэнним.
Кини уруогар өрүү уу-чуумпу буолар, тоҕо диэтэххэ уруок
устатын тухары оҕо болҕомтотун тардар. Наһаа да үчүгэйдик
үөрэтэр этэ, кини уруоктара-остуоруйа курдук буолаллара.
Холобур, айылҕа уруогар кэпсиир үүнээйилэрин тыынар-
тыыннаах, ыалдьар эттээх, хомойор дууһалаах курдук си-
рэйдээн-харахтаан кэпсиир. Онтуката оҕо өйүгэр-дууһатыгар
наһаа хатанан хаалар. Ол барыта-айылҕаҕа харыстабыллаахтык
сыһыаннаһарга туһаайыллар эбит аны санаатахха.
Оҕону мөхпөт учуутал этэ. Наар үөрэниҥ, үөрэхтээх
киһиэхэ эрэ киэҥ аартык аһыллар диэн такайара. Дьээбэни
кэпсиирин наһаа сөбүлүүрэ. Дьэ онно били кытаанах диир
харахпыт сылыйан, истиҥник мичээрэн, чыҥха атын киһи
буола түһэрэ. Ол дьээбэлэр геройдарынан биир боломуо-
чунай буолар этэ өрүү. Мин аҕам Гурьев Прокопий Васи-
льевич эрдэ өлөн букатын да билбэппин. Дьон кэпсээни-
нэн, сүрдээх дьээбэлээх киһи эбитэ үһү, Реас Алексеевич-
тыын үчүгэйдик билсэллэр эбит. Ол мин аҕам туһунан кэп-
сиирэ дуу диэн билигин саныыбын.
1959 сыллаахха дойдубуттан, Тааттаттан, тэйэн баран,
158