Page 77 - Өксөкүлээх Уола 2009 223стр

дьонугар-сэргэтигэр махтаммыта ахан. Итини барытын мин,
кинигэни рсдакциялаан оҥорбут киһи, сүргэм көтөҕүллэн
үөрэн-көтөн истибитим.
Билигин миэхэ, өйдөбүнньук буолан, Реас Алексеевич
анабыл суруктаан биэрбит «Аҕам олоҕо» диэн кинигэтэ баар.
Онно кини хоһоон курдук наардыы этэн маннык диэбит:
Кэтэһэн-кэтэһэн, Бүетүөр,
Кэлтэгэй буола сыстыбыт дии.
Кэм-кэрдии кэлэр эбит.
Киһи эрэ буоллар таҕыста.
Эрэй-буруй эллээтэ биһигини.
Эн-мин дэһистибит. Кэлбэт ини
Иккистээн итинник түгэн —
Ииссэр, баайсар кэм.
Ити эрээри, манныгы —
Эргитэ тардан көрөрү
Эмиэ да умнумуохха:
Эриэ-дэхси олох мэлдьи
Эмэх маска маарынныыр.
Хардары-таары аалсыы,
Ханньыылаах ыга ылсыы,
Далайга баҕа иигинии,
Даҥныы сабар аналлаах,
Туох эрэ кыракый эмтээх,
Туһата диибин диэн сүрдээх.
Этэнтгэ олор, Бүөтүөр,
Элбэх үтүө оҕолон,
Эҥинэ дьикти айымньылан.
Бу анабыл миэхэ үтүөкэн сыһыаннаах, мин биир сөбү-
лээбит, аҕа туттубут, эйэҕэс-сайаҕас киһим туһунан сырдык
өйдөбүл буолан мин өйбөр-сүрэхпэр дириҥник иҥэн сыл-
дьыаҕа.
Мин манна өссө биири бэлиэтээн этэбин. Реас Алексее-
вич, төрүт да үөрүнньэҥ майгыннаах киһи буолан, кинигэтз
тахсыар диэри сордоммутун-муҥнаммытын туура умнан, өссө
ити соргон-мунтан кини туох эрэ туһалааҕы булан ылар —
кини ити курдук өс туппат, өһө-сааһа суох киһи. Олох охсу-
һуутун үчүгэйэ дьону тэпсиинэн барыа суохтаах, үтүө өйү-
санааны өлөрүүгэ көстүө суохтаах. Бу өттүнэн ылар буол-
лахха, Реас Алексеевич үтүө-сырдык өйө-санаата ааспыт ха-
раҥаттан араарыллан атыннык сыдьаайан көстөр буолан, ку-
һаҕантан туох эмэ үчүгэйи буларга туһуланар быһыылаах.
Мин кини туһунан өйдөөн хаалбьггым итинник.
1994 сыл, кулун тутар 25 к.

75