Page 74 - Өксөкүлээх Уола 2009 223стр

тэр элбэх буолбут буолан хаалаллар эбит, итини кэлин, бу
маннык санатыһыылаах кэмнэр кэллэхтэринэ, биирдэ өйдөөн
баттаххын үргэммитэ буолаахтыыгын: киһи бэйэтэ тутатына
үчүгэйдик сылдьар буолла да, ол күннээҕилэригэр аахайбат,
оттон дьиҥ иһигэр ити «күннээҕилэригэр» туох эрэ суолта-
лаахтар да умнуллубут буолуохтарын сөп ээ!
Дьэ итинник, Реас Алексеевичтыын элэҥ-сэлэҥ көр-
сүһүүлэрдээх үгүс сыллар устан-ааһан испитгэрэ. Ити аас-
пыт сыллартан, Реас Алексеевичка сыһыаннаатахха, миэхэ ордук
бэлиэ буолбут уонна биһигини ордук чугасаһыннарбыт кэм-
митинэн кини Өксөкүлээх Өлөксөй туһунан суруйбут дьо-
һуннаах үлэтин «Аҕам олоҕо» диэн ахтыы-сэһэнин редакция-
лаан кинигэ оҥорбут күннэрим-дьылларым буолаллар.
Автор бастаан рукопиһын кинигэ издательствотыгар аҕалан
туттарбыт этэ. «Хотугу сулус» сурунаалга тоҕо урутаан кил-
лэрбэтэҕин билбэппин, мин ол саҕана сурунаалга кэлэн үлэ-
лээбитим, онно проза отделыгар маннык айымньы киирдэ
диэни истибэтэҕим. Издательствоҕа уус-уран уонна оҕо лите-
ратуратын редакциятын сэбиэдиссэйэ Т.И.Румянцева: «Реас
Кулаковскай аҕатын туһунан бөдөҥ айымньыны суруйан кил-
лэрдэ, ону, эн биһиэхэ да, авторга да көмөлөһөн, редакция-
лыырга ылын эрэ», — диэн телефоннаан көрдөстө. Мин
көрдөһүүгэ улгум сордоохпун, «ээх» дии охсон кэбистим. Та-
тьяна Ивановна мин ылына охсубуппуттан үөрдэҕэ, «дуога-
бар оҥоруохпут» диэн мин ити өс киирбэх «ээх» диирбин
эбии ытаһалаан кэбистэ. Ити дуогабардаһар диэн үчүгэй, ку-
раанахха үлэлээбэккин, эрэйиҥ тиллэр. Киһи киһиэхэ көннөрү
көмөлөһүөн сөп эрээри, улахан үлэҕэ элбэх күн-дьыл барар,
онон бэйэҥ үлэлиириҥ атахтанар, ол иһин кэпсэтии тэрилтэ
өттүттэн буолла да, дьыала-куолу хайаан да наада.
Таарыччы аҕыннахха, мин биир кырдьаҕас киһи бэйэтэ
кэлэн «кинигэм тахсарыгар көмөлөс, күн-ый буол» диэн
үҥэн-сүктэн көрдөспүтүн эмиэ өс киирбэх ылынан ыйы-
ыйынан үлэлээн баран, туох да докумуонум суох буолан,
таах эрэйдэнэн турардаахпын, ол содулугар бэйэм биир үлэ-
бин кэмигэр кыайан бүтэрбэккэ хаалбытым, туох кистэлэй
— «баһыыбаны» ылбытым. Отгон Реас Алексеевич «Үлэҥ
төлөбүрүгэр гонорарбыттан биэриэм» диэн хаайбытын нэ-
һиилэ тохтоппутум: «Ок-сии, бачча үлүгэр эрэйдэнэн ба-
раҥҥын» диэн өссө хомойуох курдук буолбута, көр дьэ итин-
ник киһи этэ Реас Алексеевич барахсан (бу адьас кэлин,
кинигэ тахсыбытын кэннэ этэ).
Мин Реас Алексеевич бу дьоһуннаах үлэтигэр олус кыһа-
нан ылсыспытым. Бастакытынан, бу улуу Өксөкүлээх
72