Page 91 - Өксөкүлээх Уола 2009 223стр

һан көстөллөр. Өр көппүппүт кэннэ, аатырбыт Бүтэй Бүлүү,
Сыа Бүлүү өрүһэ көһүннэ. Өлүөнэ курдук да буолбатар, нэ-
лэһийэн киэҥ эбэ эбит. Дьэ чахчы уруккута өҥ-нүөл, бүтэй-
чуумпу, көҥүл-дэлэй олохтоох буолуон сөптөөх, улаҕатын
булларбат улуу, киэҥ нэлэмэн дойду үрдүнэн айаннааты-
быт. Бэл тимир үйэ тимир долуолаах далан өксөкүтэ өр көтөн
күпсүйдэ. Дэлэҕэ даҕаны «Бүлүү түгэҕэр баар киһини кын-
чарыйбыкка дылы», «Бүлүү олоҕор дылы» диэн өс хоһоон-
норун, номохторун былыргы өбүгэлэр хаһан эрэ, ханна эрэ
олорон, быһылааннаах үйэлэр быыстарыгар үөскэппэтэхтэр.
Атынан-оҕуһунан айанныыр, сылдьыһар эрдэххэ, кырдьык
даҕаны, кыйаар баһа, сир уһуга дэниэн дэммит эбит. Ньур-
баҕа түһэн, кыратык тохтоотубут. Онтон Сунтаарга тиийэн,
Ивановтарга түстүбүт. Кинилэр өрүс хааһын үрдүгэр, оройуон
киинигэр олороллор эбит.
Сарсыныгар күнүс өрүһү көрө, сууна киирдибит. Өрүс
оргула толору соҕус эрээри, уутун өҥө кытархайдыҥы бо-
лоорхой. Реас Алексеевич саҥа аллайда: «Хайа, дугаар, бу
уубут өҥө тоҕо куһаҕанай. Дьэҥкэ бөҕө уулаах эбэ буолуох-
таах этэ эбээт. Бу станция дьайыыта. Оо, манан буоллаҕына,
айылҕаҕа алдьатыылаах тэрил тиргиитээбит эбит ээ. Билиҥ-
ҥэттэн маннык. Балыга хайаатаҕа буолла? Арааһа, өлүүһү
дуу,» — диэтэ. Сууммута буолан баран, төнүннүбүт. Киэһэ
дьиэлээх оҕонньор эттэ:
— Дьэ, быһыты арбаан, айхаллаан ахан биэрдибит. Дьол-
бут киниттэн эрэ тахсыах курдуга. Онтукабыт ити баар,
өрүспүт буорайан эрэр. Балыга хайыы-үйэ аҕыйаата.
Сунтаары көрдүбүт. Өрүс быраанын батыһа олорор, эргэ
дьиэлэрдээх, улахан дэриэбинэ эбит. Хас да ыалга сырыт-
тыбьгг. Сунтаартан Элгээйигэ трамвайынан бардыбыт. Би-
һиги наар өрүһү көрөбүт, Ньырбакааны, кини уолаттарын
ахтыһабыт. Мин Хоро киһитэ Хоролору сураһабын. Кэпси-
иллэринэн буоллаҕына, Сунтаар Хорото Бороҕон Хоротунаа-
ҕар элбэх киһилээх улахан нэһилиэк эбит. Өрүс бырааннара
намыһахтар, сорох сирдэринэн талаҕа, тыата уу кытыытыт-
тан саҕаланар. Үүнээйитэ, айылҕата өнөр-өлгөм бөҕө, киһи
төһө баҕарар көрдөр көрө туруон курдук. Трамвай өр гыҥыа
дуо, Элгээйигэ элээрдэн аҕалла. Күндэ, Түгүннүүрэп су-
руйааччылар үөрэммит, олорбут кэриэс буордарыгар ытык-
табыллаахтык үктэннибит. Биэрэккэ киһи балачча элбэх.
Эдэрдэр быыстарыгар кырдьаҕастар бааллар. Буһуу хааҥнаах,
чиргэл, киппэ көрүҥнээх дьон, эйэҕэстэр, кэпсэтинньэҥ-
нэр. Саастарын ыйытгахха, сэттэ уонум, аҕыс уоммун аас-
тым дэһэллэр. Элгээйи — адьас өрүһү өҥөйө олорор, ыраас
89