Page 98 - Өксөкүлээх Уола 2009 223стр

оҥоһуннубут. Түбүктээх баҕайы эбит, нэдиэлэни быһа үлэлэс-
тибит. Мас туу курдук буолуо дуо, сытыйбат, алдьаммат, бөҕе
тэрил, өр илдьэ сылдьыахпыт диэн, бэйэбитин хайҕанныбыт.
Туулаатыбыт. Мунду, кыра быччыкы киирэр, сотору миэнэ
иһим-үөһүм мундуну сөбүлээминэ, тохтоотум. Кини салгыы
туулаата. Мунду миинэ иһэн абыранабьш диир. Онтон туута
сүтэн хаалла. Долгун үөс диэки иһирдьэ киллэрдэҕэ диэн,
күрүчүөктээх мастана-мастана, күн аҥаара ууну сэмсээн мэ-
лийдибит. Уоран ыллахтара диибин. Онуоха киһим:
— Эс, ама тууну уора турдахтарай. Кыра оҕолор мэник-
тээн ханна эрэ илдьэн бырахтахтара — диэтэ. Итинтэн со-
тору аҥы иккиэн олбу-солбу миинэр тыыбытын, уу кы-
тыытыгар хатанан турдаҕына, сыабын быһан, илдьэ бардылар.
Дөрүн-дөрүн күөлгэ сылдьарбыт. Реас Алексеевич иһирдьэ
арыыттан киирэн, хомус быһан таһааран ньирэйдэригэр сиэ-
тэрэ. Баар эрэ миҥэбит этэ.
— Тыы туу буолбатах, ханна гыныахтарай, наадаларыгар
туттан баран, ханна эрэ кытыыга тардан кэбистэхтэрэ,
көрдүөххэ, — диэтэ.
— Бу үлүгэрдээх алта уонча арыылаах эбэҕэ ханна тиэр-
пэт буолуохтарай, мэлийдэхпит буолуо, — диибин. Уу кы-
тыытын ыраахха диэри кэрийдибит. Тыы элбэх да, биһиэнэ
мэлигир. Тыыбыт суола сойдоҕо ити.
Эдэр дьахтар кырдьаҕастарга холус соҕустук тылласпы-
тын туһунан кэпсэтии буолбутугар Реас Алексеевич эттэ:
«Ээ, кыраһыабай баҕайы кыыһы уолаттар олус атаахтатан
кэбиспитгэр. Ол иһин итинник көҥүллүк саҥара үөрэнэн
хаалбыт». Кыһыҥҥы кэмҥэ сүөһүлээх ыаллар ойбоннорун
уочаратынан алларыналлар. Ким алларсыбыт ол ойбон алла-
рааччыга кыратык харчы төлүүр. Реас Алексеевич ойбонугар
хас да ыал сүөһүтэ уулуура. Сорохтор харчы биэрэллэрэ,
сорохтор суох. Ону иэстэһэ, ирдэһэ барбат этэ.
Кини биһиги онно-манна чугас эргин сылдьарбытыгар
көлөбүт — велосипед. Онтон ордук тэрил хайабытыгар даҕа-
ны сыстабатах дьонобут. Кини эдэригэр республика биллэр
кылыыһыта, атаҕынан лаппа кыаллар киһи, төһө да сааһыр-
дар, велосипеды түргэнник тэбэр, бытаанҥык сылдьары сөбү-
лээбэт. Көнө сиргэ, үчүгэй суолга, хара күүспүнэн хачы-
махтаһан, син унньу-санньы сампайдаһабын. Оттон кыра
эниэ, сырыынньа өрө тахсыы кэллэ да, букатын мастыы
хаалларар, велосипедыттан түспэккэ, өрө тэбэн куйаарда ту-
рар. Үөһэ тахсан күүтэр.
Биирдэ дөлүһүөн отоно хатаран хомпуот оҥорон истэххэ,
искэ-үөскэ туһалаах, үчүгэй үһү диэни истэн, дөлүһүөннүү
96