Page 103 - Оло5у таптаа Реас К

ОЛОҔУ таптаА...

Билиҥҥи оҕолор барыны бары билэллэ-
рин, сытыыларын-хотууларын, таҥастара-саптара
үчүгэйин көрө-көрөбүн, бэйэм оҕо эрдэҕинээҕи хор-
гуопун, кыбыстыгаммын, тугу да билбэппин санаан,
тэҥнии түһэн аһардахпына, сонньуйаммын өрө тыы-
нан кэбиһээччибин.
Син куралай көкөт этим. Быһа барыйан эттэхпинэ,
уон үһүм эбитэ буолуохтаах. Соҕотоҕун ыҥыыр аты-
нан куораттаатым. Күһүөрү, түүн хараҥарбыт кэмэ.
Ону-маны өйдүүр буолуохпуттан ыла ойууттар, абаа-
һылар, ороспуонньуктар тустарынан араас ынырык
кэпсээннэри истэн үөскээбит уонна киһиттэн ураты
куттаҕас буоламмын, ыалга киирэртэн наһаа дьаах-
ханабын. Киэһэ ьгтыс таһынар хараҥа буолуор диэри
айанныыбын уонна суолтан туораан тахсаммын, кэби-
һиилээ^ окко тохтуубун. Чугастааҕы ыалларым чэйгэ,
табахха диэн ааттааннар арыы биэртэлээбиттэрэ.
Онон таһаҕаһым син ыарахан. Бэйэм кыайбаппын. Ол
иһин, чэйдээри тохтоотохпуна уонна «хонук» сирбин
буллахпына, бэрэмэдэйим тиһилигин сүөрэн, малбын
биир-биир сүөкүүбүн. Барарым кэллэҕинэ, бастаан
аппар бэрэмэдэйбин кыра таһаҕастаах ыҥыырдабын
уонна эргийэ көтө сылдьаммын малбын хаалыьгбын.
Сарсыарда туманы быыһынан хаамтарабын. Күнүс
утуйар таҥаспын төргүүлэнэбин, сыттыкпын ыҥыыр-
бар уурабын, онно умса түһэбин да утуйан хаалабын.
101