Page 36 - Оло5у таптаа Реас К

— Таҕыста даа?
— Тахсан. Наар намыһах уонна сытыары өттүлэ-
рин талан, сыыллан тахсан барда.
— Ок-сиэ, ол туруору баҕайы сыыр күтүр барах-
саны эрэйдээтэҕин.
— Бэйэ эрэ, ол көлө туохха маарынныырый?
— Хайдах туохха?
— Оттон оҕуска маарынныыр дуу, акка дуу?
— ОО, СуОХ, ОЛ КӨЛүөҺэ үрдүГЭр ОЛОрОр ТИМ'Ир кө-
лө. Иннинэн бүтүннүү өстүөкүлэ дьиэлээх. Онно туох
да кыһалҕата суох сирдьит киһи малаарыҥныыр.
— Ол бу дойдуга хаһан сылдьыбыта баарай,
ыйан биэрэр киһитэ суох барахсан мунан хаалыа
буоллаҕа дии,— эмээхсин оҕонньоругар чэй кутар.—
Оттон ол маттамабыыл таһаҕаһын сүгэн иһэр дуу,
туохха эмэ тиэйэн, тардан иһэр дуу?
— Сүгэн бөҕө. Биһиги хотоммут саҕа, улахан баҕа-
йы хопполоох. Таһаҕаһын онно хааламмыт эбит. Онно
таһаҕаһы букатын чочуобуна саҕа гына кыстаан та-
һаарбыттар. Ону маттамабыыл хата тэрэпиискэ кур-
дук тутар... Ии, арба даҕаны, көтүппүппүн. Өлөксөөн
дьиэтин таһыгар, суолга атыыр оҕус бэйэкээннээх
көскөллөн сытар. Дьэ маттамабыыл ол оҕуһу ыраах-
тан көрө испит эбит, кини икки быры-быччаҕар, кү-
түр улахан бүлтэйбит өстүөкүлэ харахтаах. Оҕуһу
куттаары буолуо, чугаһаан баран абааһы баҕайытык
сарылаата уонна харахтарын уоттааҕынан сандаа-
рыччы көрдө. Дьэ онуоха биһиги бухатыырбыт ыста-
нан турда да, тыа диэки хааһахтана турда.
— Аата барахсаны. Мин эмиэ көрө барыыһыкпын.
— Хайаан даҕаны бараар.
Кырдьаҕастарым миигин дьэ көрдүлэр.