Page 37 - Оло5у таптаа Реас К

ЫМСЫЫТЫГАР ЫТ БУОЛА СЫСПЫТ

Уйбаан дьэ кичээҥи, харам киһи диэтэ-
ҕиҥ. Киниэхэ бары барыта баар буолааччы: бурҕал-
дьы үөһэ бурҕалдьы, сүүрэр үөһэ сүүрэр, ол-бу быа-
туһах, алдьаммыт хаатыҥка үөһэ хаатыҥка, туттар
сэп эгэлгэтэ, быһатын эттэххэ, матаҕа муҥунан мал,
хааһах муҥунан хаһаас.
Кини совхоһугар үлэлиир. Онтукатыгар сирдэр-
бэт даҕаны, хайҕаппат даҕаны. Совхозтан сыл аайы
балтараалыы, иккилии тонна оту ылар да, хас да кэ-
тэх сүөһүлэрин хайдах эрэ кыстатан, хара сири бул-
ларбыта баар буолар. Хайа уонна сибиинньэтэ
диэн, кууруссата диэн — быһата, быр-бааччы бэйэ-
лээх ыал.
Биирдэ Уйбаан от үлэтин саҕана, отуттан эрдэ
тахсан, гараж таһынан ааһан иһэн, массыына ал-
дьаммыт баллона сытарын көрдө. Көрө-көрө, сөҕө
быһыытыйда. «Син үрүк-түрүк сэп сытар ээ. Оо, дьэ
ыһыллан түһэммит, сүрдээх дьоммут. Итини ханна
эмэ ууран кэбиһэр диэн суох буоллаҕа» диэн сүр-
дээхтик сэмэлии санаата. Онтон сиэһилээн эргим-ур-
гум көрүтэлээбитэ: манна күтүр улахан тимир кө-
лүөһэ, итиннэ баал тимир, онно хампарыйбыт куу-
сап, ол анараа өттү-гэр араас алдьаммыт сэп-сэбиргэл
бөҕө урусхал төрөөн, күөрэ-лаҥкы түһэн сыталлар.
Уйбаан кэлэйэн, «үкчү кыргыһыы хонуутун курдук»
диэн киҥинэйэ-киҥинэйэ, ааһа бара турда.
35