Page 40 - Оло5у таптаа Реас К

Чочумча буолаат, өй ылбыттыы туттан-хаптан,
баллон тулатынааҕы мас сыыһын, отун хомуйан киэр
быраҕаттаата. Онтон тэйиччи баран амынньыары хо-
муйан, көтөҕөн аҕалан, баллон таһыгар «сарк» гына
бырахта. Онтукатын чохчоллон олорон тиэтэйбэккэ-
саарайбакка >баллон иһигэр симтэ. «Умайар сэп эбитэ
дуу, умайбата эбитэ дуу» диэн ботугуруу-ботугуруу,
иккиһин мутугу-итиги адаарыччы көтөҕөн кэлэн, бал-
лон иһигэр-таһыгар сааһылаан ууран баран, ыстаа-
нын сиэбиттэн испиискэ ылан уматта. Онуохаҕа ку-
раанах мутук бэйэлээх, уот хатанарын аҕай кытта,
үөрэ-көтө бачыгыраабытынан барда. Өр-өтөр буолба-
та, уот баллону бүтүннүүтүн хабан кьггыаста түстэ.
Баллон иһигэр симиллибит мас эмиэ кытыастар, онуо-
ха баллон бастаан кырыыларыттан саҕалаан умайан
бырдьыгынаан барар. Ону көрөн туран, Уйбаан үөрэн:
«Оһо, умайар эбит ээ. Хара 'бастакыттан маннык гы-
нымынабын. Умайар буолар эбит дии. Хата, таарыччы
боробулуохата уйадыйан тахсыаҕа,— диэн саныы-са-
ныы, охто сытар тиит үрдүгэр олорон табахтаата.
Баллон эрэһиинэтэ, ууллан бырдьыгыныы-бырдьы-
гыныы, өһөх хара буруонан өрө тыынан, умайара
күүһүрэн истэ. «Тыый доҕор, умайара тугун күүһэй!
Эчи, күтүр өстөөх буруота сүрүн! Аны дьон көрөн, өрт
барда диэн аймааһ-ын тахсыаҕа. Умуруорбут киһи.
Хайдах умуруорабын?» Онно-манна сүүрэлээтэ.
Күрүө тоһоҕотун курдук маһы булан кэлэн, тас
маһын тарыйбахтаата. Ол эрээри баллон тула өттүт-
тэн умайан бачыгыраан, өһөх хара буруота тыаны үр-
дүнэн хараҥа былыт курдук халыйан барда. Уйбаан
уйулҕата көттө, баллон үрдүгэр тахсан сабыта тэпсэн
көрдө да, киһи тыынын хаайар хабаххай сыт, кутаа-
ланар уот төлөн кинини өр тэбистэрбэтэ.
38