Page 69 - Оло5у таптаа Реас К

От-мас суох. Аҥардас бүө да көстөрө саарбах. Көстө-
рүн көстүөх этэ да, суол-иис хаалларбакка хайдах
чөм-бааччы туттуллуой? Хаар соҕотох бу түүн түһэн
үллүктээтэҕинэ көҥүлэ. Онто да суо-х, хаар түһэр си-
бикитэ биллибитэ балайда буолла. Бүгүн халлаан
бэркэ ыдьырыйан турар. Тыыны хаайыах курдук бү-
тэй сылаас ыга баттаан лүҥкүрбүт.
Былырыын кыстаабыт арҕахтара ыраах баҕайы.
Ол да буоллар ол диэки бэспэҥнэһэ турдулар. Сэрэй-
бит курдук буолла, сирдэрин ортолуу да иликтэрпнэ,
хаар түһэн үллүктээбитинэн барда. Олохторуттан ог-
долуйбут муҥҥаахтар быһа нырыдыһан айаннаан
истэхтэринэ, иннилэригэр-кэнҥилэригэр бөрөлөр улуй-
дулар. Эһэ ыксаата, эргичиҥнээтэ уонна бэрт тиэтэ-
линэн сыгынахха ыстанна уонна балайда сонос тити-
риги булгу тардан ылла, оҕолорун атаҕын анныгар
саһыарда, кэннин сыгынахха аста...