Page 29 - Саха дьахталларыттан бастакы журналистка Мария Гаврильевна Бурцева

олорорбут, үөһээ өртүгэр үчүгэйкээн кулууптаахпыт. Биир улахан
корпуска остолобуой баара, ол аҥаара уопсай олорор хостор баал-
лара. Остолобуойбутугар үөрэнээччилэр эрэ аһыыллара. Кинилэр
утуйар таҥаһынан, кыһыҥҥы, сайыҥҥы таҥнар таҥастарынан то-
лору хааччыллаллара. Учууталларбыт анаан талыллыбыт, сүүмэр-
дэммит дьон үтүөкэннэрэ, билиилээхтэрэ этилэр. Үөрэнээччилэр
бары кэриэтэ коммунистар, комсомолецтар, партията суох батараак,
дьадаҥы активистар этилэр.
Санаан санаабыт да тиийбэтэх үчүгэй усулуобуйаҕа үөрэнэр дьол-
ломмуппут. Үөрэнэр группабытыгар үксэ сэттэ кылаастаах оскуо-
ланы бүтэрбиттэри, активнай комсомолецтары сүүмэрдээбит эти­
лэр. Уус-Алдантан Бурцева Мария Гаврильевна, Карамзина Варва­
ра Ивановна, Кондратьев Федор, Бурнашев Иван Иванович, Нам-
тан Посельскай Гавриил Иосифович, онтон да атыттар бааллара.
Ити ааггаммыттар бары саастыы, 1911 сыллааҕы төрүөх дьон этибит.
Үөрэҕэр Бурцева Машабыт ордук дьулуурдааҕа, аахпытын, үөрэп-
питин чиҥник, дириҥник өйдүүрэ, конспегын сатаан оҥосторо, арыт
киниэнин уларсан ааҕарбыт. Үөрэҕин быыһыгар кылгас кэпсээннэ-
ри суруйара. Оччолорго мин эмиэ хоһоон суруйан холонон көрөрүм.
Кылаассабай охсуһуу историята, ленинизм төрүттэрэ диэн предмет-
тэргэ лекциялары Иван Николаевич Жирков ааҕара уонна семинар-
скай занятиелары ыытара (кини кэнники Саха АССР үөрэҕин Нар­
кома буолбута, киэҥ билиилээх, улахан өйдөөх, айылҕаттан талаан-
наах киһи эдэр сааһыгар 1938 сыллаахха сэлликтэн өлбүтэ (1907—
1938 сс., 1925 сылтан комсомолец, 1930 сылтан ССКП чилиэнэ,
“Эдэр большевик” хаһыат редактордарыттан биирдэстэрэ).
Үөрэнэ сырыттахпытына 1931 сыл саҥатыгар миигин партия
обкома Уус-Алдаҥҥа командировкаҕа ыыппыта. Онно нэһилиэк-
тэргэ үлэлиир коммунистарга биир ыйдаах курс аһыллыбыта, партия
Устаабын, Программатын, партия уураахтарын тустарынан бэсиэдэ
курдук лекция аахпытым. Курс бүппүтүн кэннэ миигин партия рай­
кома сир оройуоннааҕы салаатын сэбиэдиссэйин эбээһинэһин то-
лорооччунан анаабыта. Онон оройуоҥҥа иккис большевиктыы ыһыы
хампаанньатын, колхозтары тэрийиини сүрүн салайааччы буолбу-
тум. Муус устарга Дьокуускайтан советскай-партийнай оскуолаҕа
үөрэнээччилэр улахан бөлөхтөрө тахсыбыта, онно Бурцева Маша,
Карамзина Варя бааллара. Миигин кытта бииргэ үөрэнээччилэр
ыһыыга көмөлөһө практикаҕа тахсыбыт үөрэнээччилэри салайаач-
чынан оскуолабыт администрацията миигин анаабыт этэ. Машаны
Хоро, Лөгөй нэһилиэктэригэр үлэлииргэ анаабытым.
Иккис большевиктыы ыһыыга бэлэмнэниини, атаарыыны Бур­
цева Маша көрдөрүүлээхтик тэрийбитэ. Саҥа, кыра колхозтар
үөскээбиттэрэ, сүпүрээгэлэр тэриллибиттэрэ уонна табыгастаахтык
үлэлээн күүһү, көлөнү түмэн үлэлиир барыстааҕын көрдөрбүттэрэ.

4* 27