Page 37 - Саха дьахталларыттан бастакы журналистка Мария Гаврильевна Бурцева

Эдьиийбит 1932 с. Булгунньахтаах сайылыкка бүтэһик сырыыта
эбит. Онно биир балтыбын кытта хаартыскаҕа түһэрбит уонна ийэ-
бэр хайдах эмэ үөрэттэрэ сатаар диэн кэриэс курдук эппит. Ииппит
аҕам эрдэ өлбүтэ, ийэм соҕотоҕун иитэн, үөрэттэрэн, 35 сыл оскуо-
лаҕа учууталлаабытым, онон ииппит дьоммор махталым муҥура суох.
Эдьиийим 1946 сыллаахха суох буолта, онон илэ бэйэтин кор-
бөтөҕүм.
1950 с. оҕолору кытта Дьокуускайга киирбитим. Биир эдьиийдээх-
пэр тохтообутум, Мария Николаевна диэн Аммосов Терентий Ва­
сильевич кэргэнэ. Кини күтүөппүн, эдьиийим кэргэнин Семен Пет­
рович Ковлекову булларбыта.
Семен Петрович истиҥник көрсүбүтэ. Оҕолор бары мунчаарбыт,
чуҥкук этилэр, мин да кыайан сыстыбатаҕым, санаабар: “Эдьиийим
баара буоллар атын буолуо этэ”, — дии саныырым, оҕолору аһым-
мытым, харса суох хараҕым уута бүөлээбитэ, онон тохтообут ыалбар
төннүбүтүм.
Кэлин сыыйа билсиһэн, сылдьар, оҕолор таҥастарын сууйсар,
көрсөр-харайсар буолбутум. Убайым армияттан кинилэргэ кэлэн
тохтообута. Кэлин Эдьигээҥҥэ үлэлии барарыгар-кэлэригэр эмиэ
тохтуура. Алы кини ыалдьан операцияламмыта. Онно уолаттар ас
таһаллара, сүрдээҕин көмөлөспүттэрэ.
Семен Петрович айанын ороскуотун төлүүрэ, ол кэмҥэ күтүөт
обкомҥа инструктор, бастакы секретарь көмөлөһөөччүтэ, “Ленин
суолунан” сурунаалга редакторы солбуйааччынан, тылбаас комис-
сиятыгар үлэлээбитэ.
Оҕолор оччотооҕуга бары үөрэнээччилэр этэ. Сеня 7 кылааска,
Рево 5 кылааска, Марианна 3 кылааска. Кыра уол Руслан бастакы
кылааска. Рево эрэ № 2 оскуолаҕа үөрэнэрэ, атыттар нуучча оскуо-
лаларыгар үөрэнэллэрэ, үөрэхтэригэр хомуллан бэйэлэрэ сылдьал-
лара. Сайынын каникул кэмигэр уолаттар Сеня, Рево Чараҥҥа тах-
сан сынньаналлара, оттоһоллоро, онон ийэлэрин аймахтарын кыт­
та сибээстээхтэрэ.
Мин 1953 с. үөрэхпин бүтэрэн, дойдубар үлэлии барбытым. Аҕала-
ра Семен Петрович доруобуйата мөлтөөн 1954 с. төрөөбүт дойдуту-
гар, Кэриэс Халдьаайыга көспүттэрэ. Онно күтүөт “Кыһыл Знамя”
хаһыат редакторынан, райком бастакы секретарын көмөлөһөөч-
чүтүнэн үлэлээбит. Итинтэн ыла сибээспит быстыбыта.
Оҕолор төрөппүттэрэ эрдэ өлөннөр, суолу-ииһи тобулбакка, ситэ
үөрэммэтэхтэрэ. Сеня, Рево армия кэнниггэн орто анал үөрэҕи бүтэр-
биггэрэ, Сеня — механизатор, Рево — зоотехник буолтара. Кини Хар-
балаахха олорбута, 3 оҕолооҕо, икки кыыһа Ытык Күөлгэ олороллор.
Кыра уол Руслан электрик этэ, Тааттаҕа олохсуйбута.
Дьокууйскайга Ковлековтар кыыстара М арианна олорор, 3
оҕолоох, 5 сиэннээх, пенсионерка, математика учуутала.

35