Page 52 - Саха дьахталларыттан бастакы журналистка Мария Гаврильевна Бурцева

рара. Итини истэн Аана Сүөдэртэн арахсаары Ньостуруойапка дьыала
оҥорторбута.
Сүөдэр эһэтэ улуус кулубата. Сүөдэр баай ыччата, киниэхэ ордук
өлөрдүү сөбүлээбэт санаалар көтөн түстүлэр. Кини Аананы бэйэ-
тин үбүгэр атыылаһан ылбытын курдук санаата. Сүөдэр бокуойа
суох туран, өтүүнү орон анныттан субуйда.
— Бэт дьахтары кирис өтүү кэлгийбэтэ буолуо, бырааттар тоҥ
омуһахтарын тэһэ салатарым буолуо...
Аана ханна да барыан булбата. Оҕото эбии ытаата.
Ити икки ардыгар таһырдьа ат туйаҕын тыаһа тибигирэс үлүгэр
буолла. Саа тыаһа түптэлэнэ түстэ. Таһырдьаттан хас да бандьыыт
киирэн, оһоххо сөрөнөн туран ытыаластылар. Сүөдэр ордук Аанаҕа
абаланна. Маҥнай Аананы өлөрдөрбүн дии санаата. Түптэ буруо
быыһынан Сүөдэр хаҥас диэки Аана турарын көрдө. Ыксал үлүгэ-
ринэн элбэрээгин эстэ, көрбүтэ Аана таптарбата быһыылаах, турар.
Сүөдэр эмиэ ытан кутаалаата. Суох. Хата хамсаан да көрбөтө. Сүрдээх
тыас дэлби барарын кытта, дьиэ аҥаар эркинэ көтүрү барда.
Туох да бокуойа суох дьиэҕэ кыһыл аармыайастар саба сырсан
киирдилэр. Ньостуруойап кыһыл былааҕын туппутунан ураанан
киирдэ.
Аана омуһаҕыттан нэһиилэ оронон таҕыста. Үөрүүтүттэн туту да
кыайан саҥарбата, арай кыһыл аармыайастар илиилэрин баһыыба-
лыыр быһыынан бобо туппахтаата.
Сааскылыы күн уота сылыйан, от-мас көҕөрөн, бурдук үлэтэ буо-
лан эрэр. Хара сиргэ булууктаах, тараахтаах аармыйа субуйда.
Эмэҕирбит өҥкөгөр тииккэ өйөнөн туран кулаак бүтэйдии аба-
ланар.
— Оо, абам эбит, Күбээйи алааспын былдьаан ыллахтара. Ол
эрээри... Били доҕорум Сүөдэр омук баайдара Сэбиэскэй Сойууһу
сэриилээн эрэллэр диэбитэ ээ. Ээ, оттон кыайаллара баҕас буол-
лар... — Куттах кулаак хабырынар, кини күлтэччи көрбүт харахтара
хаанынан туолаллар.
— Оттон ити холкуоһу үрэйдэххэ сатанар. Даа, даа сатанар, —
Куттах сүбэтин булуммут быһыынан судургу саҥарар.
Балайда ыраах киһи маһы тоһута үктүүр тыаһа иһилиннэ. Кут­
тах тугу эрэ кэтэһэр курдук чуҥнаан иһиллиир.
Сүөдэр хаҥас илиитигэр сүгэ тутуурдаах, тиийэн кэлэн Куттаҕы
кытта дорооболосто.
— Доҕорум Сүөдэр кэллиҥ дуу?.. Дьэ үчүгэй. Хаһан да биир өлүүгэ
өлбүт дьоммут. Ити Аана дьүһүнүн көрөр инигин. Аана ити Ньос-
туруойаптыын дьон санаатын аймаан эрэллэр. Аны өлөрөллөрө эрэ
хаалла, — Куттах кэпсии тоһуйда.
— Дьэ бэйэ... — Тугу эрэ ситиһэр санаанан Сүөдэр этэн иһэн
тохтоото.

50