Page 53 - Саха дьахталларыттан бастакы журналистка Мария Гаврильевна Бурцева

— Бэҕэһээ били кистэлэҥ баайбын Аана тыллабырынан тутан
ыллылар, — Куттах Сүөдэри атастыы быһыынан илиитин тутан
иккиэн олордулар.
— Дьөссө маннык баар, Сүөдэр, — сибигинэйэн Куттах кэпсээ-
тэ, — сэбиэккэ “Кыым” хаһыат тахсыбыт. Онно...
— Онно тугуй? — Сүөдэр өрүһүлтэтэ суоҕунан ыгылыйан ыйытар.
— Дьэ бэйи биэбэкэм, уоскуй. Холку соҕустук сүбэлэһэр куолу.
Онно суруйбуттар үһү, Куттах кулаак Сүөдэри кытга артыалы иһит-
тэн үрэйээри кутуруктарын Уйбааны холкуоска киллэрбиттэр. Уй-
баан бандьыыт, арастарааччык. Артыалга киирэригэр атын Куттах-
ха соруйан атыылаабыт. Дьөссө кэннигэр сөптөөх суут көр диэн су­
руйбуттар, — Куттах өлүү өстөөх куолаһынан саҥарар.
— Көр эрэ, бу ыттары, — Сүөдэр туту да ити кэннэ кыайан эппэтэ.
— Ама... этиэҥ суоҕа дуу, диэ даа! — диир Куттах.
— Арай ити Ньостуруойабы, мин урукку ойоҕум буолуохсуту
Аананы сүнньүлэрин толкуйдахха сөп буолсук, — Сүөдэр быһаҕы-
нан дүлүҥү кэйэ олордо.
Куттах Сүөдэргэ сыстаҥнаста, сөмүйэтинэн ыйа-ыйа.
— Ол сир мээрэйдии сылдьаллар. Көрөҕүн дуо? Дьэ бэттии да
дьон быһыылаах, — Куттах кыһытар быһыынан таба этэрдии саҥа-
рар.
Сүөдэр сирэйэ дьэс кытара түстэ. Хараҕа уоттанна, төбөтүн оройу-
нан өйө суох көрүтэлээтэ.
— Киһи билбэтинэн... дьэ эр эрэ буолларгын туттумахтаан биэр.
Өстүбэһи, били Уйбааны ыҥырыахха, — хап-сабар соруктаах киһи
быһыытынан Куттах тура эккирээтэ.
Сотору соҕус сири көрөр биригээдэлэри кытта Аана, Ньостуруо-
йап дьиэлэригэр төннөн истилэр. Күн уота былыт кэнниттэн көстөн
ааһар.
— Уйбаан, көр, элбэх моһуогу холкуоска оҥоро сыста эбээт.
Бэҕэһээ чыыскалаатыбыт, — Ньостуруойап кэпсии истэ.
— Кини чыыскаланнын. Хата дьахталлар холкуос бөҕөргүүрүгэр
күүстэрин түмэргэ мунньахха бигэтик эппиттэрэ, — Аана туоһулуур
быһыынан саҥарда.
Эмискэ ойуур иһиттэн Сүөдэр, Куттах уонна биир киһи баалкы
мастарын өрө күөрэппитинэн, суолга саба сырсан киирдилэр. Хаан-
нара дьэбир уоспут, сымыһахтарын быһыта ытырбыттар.
— Бассабыык дьахтар, кэрэспэдьиэн Ньостуруойап эһиги буола-
ҕыт дии. Дьэ куотаргытын көрүллүө, — диэтэ Сүөдэр харса-хабыра
суох куолаһынан.
Кулаактар маһынан сабыта сынньан бардылар. Аана биир киһи-
лиин нэһиилэ тэскилээн куоттулар. Сүөдэр Ньостуруойабы быһа-
ҕынан бокуойа суох дьөлүтэ аста. Ньостуруойап көрүөх бэтэрээ өттү-
нэн кыа хаанынан сууна түстэ.
51