Page 54 - Саха дьахталларыттан бастакы журналистка Мария Гаврильевна Бурцева

Ити икки ардыгар кулаактары дьон төгүрүйэн тутуталаан ыллы-
лар.
— Табаарыстар, көрүҥ эрэ бу кулаак сыдьааттара үктэллэрин
сүтэрэн, биһигини өлөрө сатыыллар. Кинилэр күннээҕи үлэбитин
туорайдыыллара табыллыбатаҕына, ити курдук өлөрөллөрүгэр тии-
йэллэр. Чэйиҥ эрэ дьахталлар, эр дьону кытта бииргэ кэлимсэ хол-
боһуктааһыны тэрийэн, кулаагы өстөөх өһүөмдьүтүн утары харда!
Бассабыык баартыйа салалтатынан Лиэнньин былааҕын үрдүктүк
көтөҕүөҕүҥ! У-р-а-а!!
Сир ураанан ньиргийдэ.

ОЛ ДЬЫЛЛАРГА
I

X онча ыаллаах “Дөлүкүнэ” диэн сайылык арҕаа өттүгэр ампаар
балаҕаҥҥа дьадаҥы Уйбаанчык оҕонньор олорбута. Кыһынын то-
ҥон, сайынын буһан-хатан, аччыктаан, улуу кыһалҕаны көрбүтэ.
Сайынын икки ынахтааҕын үүтүн суораттаан-иэдьэгэйдээн сиэн,
онуоха эбии Күрү күөлгэ туулаан айах ииггэрэ.
Кинилэр кыыстара Бөлтөс Өлөксөөс, уончалаах оҕо, үлэтин быы-
һыгар дьонуттан кистээн кэлэн, Баай Баһылаас уолун оҕолоро кэрэ
дьикти киэргэллээх күлүмүрдэс таас оонньуурдарыгар ымсыыран,
ампаар муннугар саһан туран, көрө-көрө куйаастан ыгыллан, хары-
тын таһынан сыыҥын туора-маары сотго турара.
— Хотуой, Бөлтөс, тугу көрө саһан кириҥнии тураҕын? — диэн
Баһылаас улахан кийиитэ тииһин быыһынан сыыйан саҥарбытыт-
тан, Өлөксөөс куттанан, уллуҥаҕыттан төбөтүн оройугар диэри дыр
гына түһээт, дьахтар диэки ааттаспыт курдук көрө түстэ.
— Уу! Күтүр ньии... Күтэргэ дылы ордьойо сытыйан, дьэ дьүһүн
бөҕөлөөх дууса дии!
Өлөксөөс кыбыстан, уоһа ньимийэн баран, дьиэтин диэки баран
истэҕинэ, Дуолан Дуобуна, Баһылаас ойоҕо, биир тоорохой лэппиэс-
кэни Өлөксөөскө биэрэ-биэрэ:
— Кэбис, пахай, уоскун ньимийимэ ууну омурдубут курдук. Эн
дьүһүнүн куһаҕана биһиэхэ туох буолуой, үлэһит эрэ буол. Мэ, маны
сиэ уонна бу икки ыаҕаһынан уута баһан аҕалан кулу.
Баһылаас ойоҕо икки улахан баҕайы ыаҕаһы аҕалан биэттин ылаат,
Өлөксөөс күөл диэки сүүрэн, ырбаахыта тырыттаҥныы турда.
Бөлтөс Өлөксөөс икки ыаҕаһыгар уу баһан истэҕинэ, Баһылаас
ойоҕун солко кэһиэччигин курдук арааһынай кыһыл, үрүҥ көмүс
үчүгэй баҕайы мөһүүрэ ойуулаах лыах үрүмэччи, араҕас төбөлөөх
алтан оту сайыҥҥы тыал хамнатарыгган, миэхэ кэл диэххэ айыылаах,

52